Yoswa 11:21 - Tonga Bible 1986

²¹ Ndipo Yoswa wanguza pa nyengo yeniyiya, wangupasuwa ŵaAnaki mu charu cha mitunthu, mu Hebroni mu Debiri, mu Anaba, ndi mu charu chose cha mitunthu yaku Yuda, ndi mitunthu yaku Yisraele; Yoswa wanguparghang'a wose pamoza ndi misumba yawo.

Yoswa 11:21 Referans Kwoze

Marangu 9:2

ŵanthu ŵakuru ndi ŵatali, ŵana ŵa Anakimu ŵeniwo muziŵa; ŵeniwo mwavwa ndi vyaku iwo, ‘Kumbi ndiyani yo wangamikana ndi ŵana ŵa Anakimu?’

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

Amosi 2:9

“Kweni ndinguparghang'a Amori pamaso pawo wo utali wawo we nge mbutali wa milanji, ndipo yo wenga wanthazi nge ndi miti ya kankhandi; ndingupuluwa vipasi vyake kuchanya, ndi kuzuwa misisi yake kusi.

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Ŵeruzgi 1:20

Ndipo Hebroni wanguperekeka kwaku Kalebu, uli ndimo Mosese wangukambiya; ndipo wangudikiskamo ŵana ŵanthurumi ŵatatu ŵaku Anaki.

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

Marangu 2:21

Ndiwo ŵanthu ŵakuru, ŵanandi ŵatali nge mbena Anakimu, kweni Ambuya anguŵaparghang'a ndipo ŵaAmoni ŵanguŵaŵeta ndi kuja mwenimo mu malo ghawo.

Maŵerengedu 13:33

Ndipo kweni kuwati nguwonako vinkhara (ŵina Anaka, wo ndi ŵana ŵa ŵaNedilimu); ndipo ifwe tingujiwona ulaka nge mbaphanana, ndipo ndimu tinguŵiya mu maso ghawo.”