Yoswa 11:14 - Tonga Bible 1986

¹⁴ Ndipo ŵaYisraele wanguto usambasi wose wa misumba iyi ndi ng'ombe kuŵa muskowo wawo; kweni munthu yose ŵangubaya ndi lipanga, mpaka wanguŵamara, ndipo ŵengavi kusiyako wakututa nanga njumoza.

Yoswa 11:14 Referans Kwoze

Yoswa 11:11

Ndipo wose ŵakujamo wanguŵaŵika kuwuyi wa lipanga, kuŵamariya limu wose; pengavi wakututa yo wangusiyika wamoyo, Hazoro wangocha ndi moto.

Yoswa 10:40

Viyo Yoswa wanguthereska charu chose, charu cha mitunthu ndi cha kumwela ndi charu cha chidika ndi vinkhwawu, ndi ŵakaronga ŵawo wose; wangubaya chamoyo chose, kwambura kusiyako kanthu, uli ndimo Ambuya Chiuta waku Yisraele wangulanguliya.

Yoswa 8:27

Ng'ombe pe ndi chuma chawo vinguŵa muskowo wa ŵaYisraele, kwakulingana nge ndimo Ambuya angulanguliya Yoswa.

Marangu 20:14

Kweni ŵanthukazi ndi ŵana, ng'ombe ndi chinthu chose chinyake mu msumba, miskowo yake yose, mukatonga kuŵa vyakuyoreka vinu, ndipo mukasakatanga miskowo ya ŵakupindikana ŵinu, yeniyo Ambuya Chiuta winu wakupaskani.

Maŵerengedu 31:9

Ndipo ŵaYisraele ŵanguko umukoli ŵanthukazi ŵaku Midiani ndi malitema ghawo, ndi kuskoŵa ng'ombe zawo, miskambu yawo yose, ndi viyuni vyawo vyose.

Marangu 20:16

Kweni mu misumba ya ŵanthu yaŵa yeniyo Ambuya Chiuta watumupaskani kuŵa chihara. Mungapozomoskanga cha chamoyo che chose chenicho nchakututa,

Yoswa 11:13

Kweni pengavi msumba nanga ngumoza wo unguzengeka pa vimbumila wo ŵaYisraele ŵangocha ndi moto, kupatuwako Hazoro pe; wo Yoswa wangocha.

Yoswa 11:15

Nge ndimo Ambuya angulanguliya Mosese, ndimo Mosese wangulanguliya Yoswa, ndipo Yoswa wanguchitadi viyo; wengavi kusiyako kanthu kaku vyose vyo Ambuya angulanguliya Mosese.

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”

2 Mikoka 20:25

Ndipo Yehosafati ndi ŵanthu ŵake ŵanguti ŵafika mwakuti ŵaskoŵenge, ŵangusaniya usambasi unandi, vitoweru vyamtengo, ndi vyakuvwara, ŵanguto ndi ŵangutondeka kupinga vyose kuruta navyo. Ŵanguyako mazuŵa ghatatu kuyora viskowo chifukwa vyenga vinandi.