Yoswa 10:5 - Tonga Bible 1986

⁵ Sono ŵakaronga wo ŵankhonde ŵa Amori, karonga waku Yerusalemu, waku Hebroni, waku Yarumutu, waku Lakishi, ndi karonga waku Egloni, ŵanguwunganiska maŵanja ghawo, ŵanguruta ndi nkhondo zawo zose ŵangugoŵa kumikana ndi Gibeoni, ndipo ŵanguchita nayo nkhondo.

Yoswa 10:5 Referans Kwoze

Yoswa 10:6

Ndipo ŵanthu ŵaku Gibeoni ŵangutuma kwaku Yoswa pa ugoŵi mu Gilgala, kuti, “Ungareka cha kovya ŵateŵeti ŵako, zanga ruŵi utitaske, pakuti ŵakaronga wose ŵa Amori ŵakuja mu charu cha mapiri ŵawunganirana paku ifwe.”

Maŵerengedu 13:29

Ŵina Amaleke ŵaja mu charu chaku mwela; ŵaHiti, ŵaYebusi ndi ŵaAmoni ŵaja mu charu cha mapiri; ŵaKanani ŵaja ku nyanja, ndi mumphepete mwa Yordane.”

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Yoswa 10:16

Ŵakaronga yaŵa ŵankhonde ŵanguthaŵa ndipo ŵangubisama mu mphanji pa Makeda.

1 Samuele 7:14

Misumba yo ŵaFilisti ŵanguronda ku ŵaYisraele yinguwezgeke ku ŵaYisraele kutuwa ku Ekroni mpaka ku Gata; ndipo ŵaYisraele ŵangupoka chigaŵa chawo kujanja la ŵaFilisti. Panguŵa so chimangu pakati pa ŵaYisraele ndi ŵaAmori.

Yeremiya 34:7

penipo wumba wa ŵankhondo ŵa karonga wa Babiloni ŵarwananga ndi Yerusalemu ndi misumba yose yaku Yuda yeniyo yingujako, Lakisi ndi Azeka, pakuti yeniyi pe ndiyo misumba ya malinga yo yingujako.