Yoswa 10:3 - Tonga Bible 1986

³ Viyo Adonizedeke karonga waku Yerusalemu wangutuma kwaku Hohamu karonga waku Hebroni, kwaku Piramu karonga waku Yerumutu, kwaku Yafia, karonga waku Lakishi, ndi kwaku Debiri, karonga waku Egloni, wanguti,

Yoswa 10:3 Referans Kwoze

Mika 1:13

Mangani gareta kuŵa kavalo, imwe mwa ŵakuja mu Lakishi; ndimwe mungwananga pakudanga ku ŵanthu ŵaku Zioni, chifukwa maulakwi ghaku Yisraele ghangusanirika mwaku imwe.

2 Mikoka 11:9

Adiramu, Lakishi, ndi Azeka,

2 ŴaKaronga 18:17

Ndipo karonga wa Asiriya wangutuma nduna yira ya warongozgi ŵankhondo, nduna yira ya ŵamuthenu ndi nduna yira ya ŵeruzgi, pamoza ndi nkhondo yikuru ukongwa kutuwa pa Lakishi kuruta ku Karonga Hezekiya ku Yerusalemu. Wanguti ŵafika ŵanguzachima pa msisi wa maji wa chiziŵa cha panena, wo wepa gurwi waku Munda wa Muwombasaru.

2 ŴaKaronga 18:14

Ndipo Hezekiya karonga waku Yuda wangutuma ku karonga wa Asiriya ku Lakishi, wanguti, “Ndachimwa, utuweko kuno kwangu, che chose cho ukakhumbanga paku ine ndikachitanga.” Ndipo karonga wa Asiriya wanguŵanga kwaku Hezekiya karonga waku Yuda kuti wampaske matalente gha siliva machumi pe chumi, ndi matalente gha golide machumi ghatatu.

2 Samuele 2:11

Nyengo yo Davidi wanguŵiya karonga pa nyumba yaku Yisraele mu Hebroni yenga virimika vinkhonde ndi viŵi ndi mwezi yinkhonde ndi umoza.

Yoswa 18:28

Zera, Haelefe, Yebusi (yo ndi Yerusalemu), Gibea, ndi Kiriata-jearimi, misumba chumi ndi yinayi ndi mizi yake. Ichi nchihara cha fuku laku Benjamini kwakuyana ndi mbumba yake.

Yoswa 15:63

Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.

Yoswa 15:54

Humuta, Hiriata-arba (yo ndi Hebroni), ndi Zioro misumba nkhonde ndi yinayi ndi mizi yake.

Yoswa 14:15

kweni zina laku Hebroni pa kudanga lenga Kiriata-arba; uyu Arba wenga chinkhara chakuruska mukati mu ŵina Anakimi. Ndipo charu chingupumuwa ku nkhondo.

Yoswa 10:5

Sono ŵakaronga wo ŵankhonde ŵa Amori, karonga waku Yerusalemu, waku Hebroni, waku Yarumutu, waku Lakishi, ndi karonga waku Egloni, ŵanguwunganiska maŵanja ghawo, ŵanguruta ndi nkhondo zawo zose ŵangugoŵa kumikana ndi Gibeoni, ndipo ŵanguchita nayo nkhondo.

Yoswa 10:1

Po Adonizedeke karonga waku Yerusalemu wanguvwa mo Yoswa wangutore Ai, ndimo wangumumbwanganduliya kwambura kujako kanthu, ndi kuti, mo wanguchitiya Ai ndi karonga wake ndimo wanguchitiya ndi Yeriko ndi karonga wake, uli ndimo ŵakuja mu Gibeoni wanguchitiya chimangu ndi Yisraele ndi kuti ŵenga mukati mwawo,

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Chiyambo 37:14

Viyo wanguti kwaku iyo, “Rutanga sono, ukawone vinu ŵe umampha ŵana ŵanyako ndi viŵetu viyo.” Viyo wangumutumiya pa dambo la Hebroni, ndipo wanguza ku Shekemu.

Chiyambo 23:2

Ndipo Sara wangufwa pa Kiriatarba (yo ndi Hebroni) mu charu cha Kanani; ndipo Abrahamu wanguseremo kwachitenjere Sara ndi kumuliya.

Yoswa 10:23

Ndipo ŵanguchita kwakukozgana, ŵangutuzga ŵakaronga wo ŵankhonde ndi ŵanguŵatore kwaku iyo, karonga waku Yerusalemu, karonga waku Hebroni, karonga waku Yerumutu, karonga waku Lakishi ndi karonga waku Egloni.

Yeremiya 34:7

penipo wumba wa ŵankhondo ŵa karonga wa Babiloni ŵarwananga ndi Yerusalemu ndi misumba yose yaku Yuda yeniyo yingujako, Lakisi ndi Azeka, pakuti yeniyi pe ndiyo misumba ya malinga yo yingujako.

Yoswa 10:34

Yoswa wangurutiliya ndi ŵanthu ŵake kutuwa ku Lakishi kuya ku Egloni; wanguwuzinga ndi kuwupasuwa;