Yoswa 10:28 - Tonga Bible 1986

²⁸ Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Yoswa 10:28 Referans Kwoze

Yoswa 6:21

Ndipo ŵangumara ndi lipanga wose ŵanthurumi ndi ŵanthukazi, ŵamana ndi ŵara, ng'ombe, mberere ndi zimbunda.

1 ŴaKorinte 15:25

Chifukwa kutenere iyo kuwusa, mpaka penipo waŵika ŵamawongu wose kusi ku marwayo ghake.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Yoswa 15:41

Gederoto, Betedagono, Nama, ndi Makeda, Misumba chumi pachanya nkhonde ndi umoza ndi mizi yake.

Yoswa 10:39

wanguwupoka pamoza ndi karonga wake, ndi mizi yake yose, wanguwakoso ndi lipanga wangumara wose tete, kwambura wakujapo, mo wanguchitiya ku Elebroni, ndi ku Libina ndi karonga wake, ndimo wanguchitiya ku Debiri ndi karonga wake.

Yoswa 10:37

ndi kuwuthereska, wangukoso ndi lipanga karonga wake ndi mizi yake, wakubaya munthu yose kwambura wakusiyika, nge ndimo wanguchitiya ku Egloni, wangubwanganduwa vyose tetete pamoza ndi munthu yose.

Yoswa 10:35

wanguwupoka zuŵa leniliya, wanguwukoso ndi lipanga ndi kubaya munthu yose wakuŵamo kwambura wakusiyika, nge ndimo wanguchitiya ku Lakishi.

Yoswa 10:32

Ambuya angupereka Lakishi mu janja la Yisraele, ŵanguwuthereska pa zuŵa la chiŵi, kuwukoso ndi lipanga, ndi kubaya munthu yose, nge ndimo ŵanguchitiya ku Libina.

Yoswa 10:30

ndipo Ambuya anguwupereka uwu nawo ndi karonga wake mu janja laku Yisraele; wanguwukoso ndi lipanga, wangubaya munthu yose wakuŵamo; wengavi kusiyako kanthu; ndipo wanguchita ku karonga wake nge ndimo wanguchitiya ndi karonga waku Yeriko.

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Marangu 2:34

Tinguto mizi yake yose yiya, ndi tinguparghang'a ŵanthurumi, ŵanthukazi ndi ŵana mu mizi yose: tengavi kusiyapo yumoza.

Yoswa 9:3

Kweni penipo ŵakuja mu Gibeoni ŵanguvwa vyo Yoswa wanguchita ku Yeriko ndi Ai,

Yoswa 12:15

karonga waku Libina yumoza; karonga waku Adulama yumoza;

Yoswa 12:16

karonga waku Makeda, yumoza, karonga waku Betele yumoza;