Yoswa 10:12 - Tonga Bible 1986

¹² Penipo Yoswa wangunena ku Ambuya mu zuŵa lo Ambuya angupereka Amori ku ŵaYisraele; ndipo pa maso gha ŵaYisraele wanguti, “Lumwi, umi jo pa Gibeoni, ndipo iwe mwezi mu dambo la Aijaloni.”

Yoswa 10:12 Referans Kwoze

Habakuku 3:11

Dazi ndi mwezi vinguma chete mu malo ghawo ghakujamo pa ukweru wa mivwi yinu mo yingwende, pa kuŵara kwa mkondo winu wakugadima.

Yesaya 38:8

Ehe, ndikachitanga chiduzi lichivulumutiya lumwi pa chakwesiyapo chaku Ahazi kuwere vuli pamakwerero chumi.” Viyo lumwi linguwere vuli pachakupimiyapo makwerero chumi ghenigho chingutuwako.

Yesaya 60:20

Lumwi linu kuti likasikanga so cha, pamwenga mwezi winu kwachisere; pakuti Ambuya akaŵanga ukweru winu wa muyaya ndipo mazuŵa ghinu gha maliro ghakamaranga.

Yesaya 28:21

Chifukwa Ambuya akasokanga uli mpha phiri Perazimu, akakaripanga uli ndi mu dambo la Gibeoni, kuchita nchitu yawo, nchitu yawo njachilendo! Ndi kutakataka nchitu yawo, nchitu yawo nja chilendo!

Sumu 19:4

kweni ndipuuli kakambidu kawo kaporota mu charu chose chapasi, mazu ghawo ku vigoti vyacharu chapasi. Ajinthamo hema la lumwi mwaku gho,

Yoswa 10:13

Ndipo lumwi linguma cheti, mwezi unguja jo, mpaka penipo mtundu unguwezge nduzga pa ŵarwani ŵawo. Kumbi ichi kuti chikulembeka cha mu buku laku Yashara? Lumwi linguma mukatikati kuchanya, ndipo kuti lingutinthimika kusere cha akhumba kwa zuŵa lose lamphumphu.

Sumu 148:3

Arumbeni, dazi ndi mwezi; arumbeni, mwa nyenyezi za kuŵala!

Jobu 9:7

mweniyo walanguliya dazi ndipo lituwa, wajaliya nyenyezi ndi chizighiriyo;

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Zekariya 2:13

Jani chisisi, mwa ŵanthu mose panthazi pa Ambuya, chifukwa ayuka mu malo ghawo ghakupaturika ghakujamo.

Habakuku 2:20

Kweni Ambuya ŵemu kasopi wawo wakupaturika; charu chose chije chisisi paurongo pawo.

Sumu 74:16

Ngwinu msana, usiku nawo ngwinu; mukumika dazi ndi mwezi mu malo ghawo.

Yoswa 19:42

Shalabini, Aijaloni, Itila,

Marangu 17:3

pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Amosi 8:9

“Ndipo pazuŵa liya,” atiti Ambuya Chiuta, “nkhaserezganga dazi ndi msanapakati ndi kufipiska charu mu ukweru wa msana pakati.

Ŵeruzgi 12:12

Pavuli Eloni mu Zebuluni wangufwa, wanguŵikika mu Ajaloni mu charu chaku Zebuluni.

Ŵeruzgi 5:20

Kutuwa kuchanya nyenyezi zingurwa, kutuwa mu nthowa zawo zingurwa ndi Sisera.

1 Samuele 14:31

Ŵangupopeske pasi ŵaFilisti zuŵa liya kutuwa ku Mikimasa mpaka ku Aijaloni. Ndipo ŵanthu ŵanguvuka ukongwa;

2 Samuele 2:12

Abnere mwana waku Nere, ndi ŵateŵeti ŵaku Ishiboshete mwana waku Sauli, wangutuwa mu Mahanaimi kuruta ku Gibeoni.

2 ŴaKaronga 20:11

Ndipo Yesaya mchimi yo wangubongole ku Ambuya, ndipo ŵanguwezge chiduzi kuvuli pathaliku la maphazi chumi, penipo chingurutiliya pasi pa nthowa ya makwerero ghaku Ahazi.

Yeremiya 28:1

Mu chirimika chenichiya, pa kwamba kuwusa Zedekiya karonga waku Yuda, mu mwezi wa chinkhonde, Hananiya mwana waku Azuru, mchimi waku Gibeoni, wangurongoro nane mu nyumba ya Ambuya, paurongo pa ŵazukuru ndi ŵanthu wose, wanguti,

Amosi 2:9

“Kweni ndinguparghang'a Amori pamaso pawo wo utali wawo we nge mbutali wa milanji, ndipo yo wenga wanthazi nge ndi miti ya kankhandi; ndingupuluwa vipasi vyake kuchanya, ndi kuzuwa misisi yake kusi.

Yoswa 21:24

Aijaloni ndi mauliska ghake, Gatrimoni ndi mauliska ghake misumba yinayi;

1 Samuele 12:18

Ndipo Samuele wangudana ku Ambuya, ndi Ambuya angutuma chidiririzi ndi vuwa zuŵa liya viyo ŵanthu wose ŵanguŵa ndi mantha ghakuru pa Ambuya ndi paku Samuele.

2 ŴaKaronga 20:9

Yesaya wanguti, “Chisimikizgu ndi ichi kwaku iwe chakutuliya ku Ambuya, kuti Ambuya akachitangadi chinthu cho apangana: kumbi chiduzi chingaruta ku nthazi thaliku la maphazi chumi pamwenga kuwere vuli thaliku la maphazi chumi?”

2 ŴaKaronga 20:10

Ndipo Hezekiya wangwamuka, “Nchinthu chiyuyu kuti chiduzi chiŵe chitali pathaliku la maphazi chumi, nkhunono kuchiwezge vuli pa thaliku la maphazi chumi.”

1 Mikoka 8:13

ndi Beriya ndi Shema (ŵenga mitu ya nyumba za auskeu ŵa ŵakuja mu Aijaloni, wo ŵangudikiska ŵakuja mu Gata);

2 Mikoka 11:10

Zora, ndi Ajaloni, ndi Hebroni, mizi ya malinga mwaku Yuda ndi mwaku Benjamini.