Yoswa 10:10 - Tonga Bible 1986

¹⁰ Ndipo Ambuya anguŵayungwiska paurongo paku Yisraele yo wanguŵabaya kuŵamara kukuru pa Gibeoni ndi kuŵadikiskiya ku nthowa ya sendemu yaku Bete-horoni, wanguŵakoso mpaka ku Azeka ndi Makeda.

Yoswa 10:10 Referans Kwoze

Sumu 18:14

Ndipo angutuma mivwi yawo anguŵaparghang'a; angupong'a malimphezi, ndi anguŵayungwiska.

Yoswa 16:5

charu cha ŵaEfraimu ndi mbumba zawo chenga viyo: mphaka ya chihara chawo ku vuma yenga Ataroto-dara mpaka ku Bete-horoni wa nena,

Yoswa 16:3

yisikiya kuchiri ku zambwe ku charu cha ŵaYafaleti, mpaka ku charu cha Bete-horoni wakusika, ndi kulazga ku Gezere, yigota pa nyanja.

Yesaya 28:21

Chifukwa Ambuya akasokanga uli mpha phiri Perazimu, akakaripanga uli ndi mu dambo la Gibeoni, kuchita nchitu yawo, nchitu yawo njachilendo! Ndi kutakataka nchitu yawo, nchitu yawo nja chilendo!

Ŵeruzgi 4:15

Ndipo Ambuya angumbininiska Sisera ndi magareta ghake ndi liŵanja lose la nkhondo paurongo paku Baraki ndi lipanga; Sisera wangusika mu gareta ndipo wanguthaŵa cha kwenda pasi.

Yoswa 15:35

Yarmutu, Adulama, Soko, Azeka,

Yoswa 10:11

Ndipo ŵachithaŵa pa maso pa ŵaYisraele ŵachisikiya ku sendemu ku Bete-horoni, Ambuya angupong'a paku wo mya yikuru kutuwa kuchanya mpaka ku Azeka, ndipo ŵangufwa; wo ŵangufwa chifukwa cha mya ya matarara ŵenga ŵanandi kuruska wo ŵangufwa ndi malipanga gha ŵanthurumi ŵaku Yisraele.

Yeremiya 34:7

penipo wumba wa ŵankhondo ŵa karonga wa Babiloni ŵarwananga ndi Yerusalemu ndi misumba yose yaku Yuda yeniyo yingujako, Lakisi ndi Azeka, pakuti yeniyi pe ndiyo misumba ya malinga yo yingujako.

Sumu 78:55

Wangudikiska mitundu paurongo pawo, wanguŵagaŵiya chihara chawo ndi mweso, ndi kujarika mafuku ghaku Yisraele mu mahema ghawo.

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

2 Mikoka 14:12

Viyo Chiuta wangukoso ŵa Etiopia paurongo paku Asa ndi Yuda, ŵaEtiopia ŵanguthaŵa.

1 Samuele 13:18

Liŵanja linyake lingung'anamuka kurazga ku Bete-horoni, ndi linyake lingung'anamuka kurazga ku mphaka yakulereska pa chinkhwawu chaku Zeboimu mubozwa.

Yoswa 21:22

Kubzaimi ndi mauliska ghake, Bete-horoni ndi mauliska ghake, misumba yinayi;

Yoswa 15:41

Gederoto, Betedagono, Nama, ndi Makeda, Misumba chumi pachanya nkhonde ndi umoza ndi mizi yake.

Yoswa 12:16

karonga waku Makeda, yumoza, karonga waku Betele yumoza;

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Marangu 7:23

Kweni Ambuya Chiuta winu waŵaperekenge kwinu, ndi kuŵataya mu chimutimbaheka chikuru, mpaka ŵaparghang'ike.

Yoswa 10:9

Yoswa wanguŵaziya kwamabuchibuchi, po wanguti wenda usiku wose kutuwa ku Gilgala.

1 Samuele 17:1

Sono ŵaFilisti ŵanguwunjika maliŵanja ghawo ku kurwana; ndipo ŵanguwungana pa Soko, waku Yuda, ndipo ŵangugoŵa pakati pa Soko ndi Azeka, mu Efesdamimi.

2 Samuele 22:15

Ndipo angutuma mivwi anguŵaparghang'a; ndi limphezi, ndi anguŵayingiska.

1 ŴaKaronga 9:17

viyo Solomoni wanguzenga so Gezeri) ndi Bete-horoni wakusika.

Sumu 68:14

Chiuta Wanthazi zose wachimbininiska ŵakaronga, kwenikuwa, nyankhuŵinda wanguwa pa Zalmoni.

Ŵeruzgi 4:16

Baraki wangudondoloska magareta ndi liŵanja la nkhondo ku Haroshetihagoimu ndipo liŵanja lankhondo lingumara ndi lipanga; kuti wangujapo cha munthu nanga njumoza.

Ŵeruzgi 5:20

Kutuwa kuchanya nyenyezi zingurwa, kutuwa mu nthowa zawo zingurwa ndi Sisera.

2 Mikoka 25:13

Ŵankhondo wo Amaziya wanguwezga ndi kureka kuŵazomerezga kuruta nayo ku kurwa nkhondo, ŵangugoŵe misumba yamu Yuda kutuwa ku Samaria mpaka ku Bete-horoni, ndipo ŵangubaya ŵanthu vikwi vitati (3,000) mu misumba yo, ndi ŵanguto vyakuskoŵa vinandi ukongwa.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.