Yoswa 1:17 - Tonga Bible 1986

¹⁷ Nge ndimo tinguvwiya Mosese mu vinthu vyose, ndimu tikavwiyanga ndi iwe; kweni Ambuya Chiuta wako pe mphanyi waŵa nawe, mo wanguŵiya ndi Mosese!

Yoswa 1:17 Referans Kwoze

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

1 ŴaKaronga 1:37

Mwenimo Ambuya ajariya ndi mbuyangu karonga, viyo so ndimu ajaliya ndi Solomoni, ndipo akuzge chitengo chake kwakuruska chitengo cha mbuyangu karonga Davidi.”

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Sumu 20:9

Ambuya Mwe, perekani upundi ku karonga; mutamuke tichidana.

Sumu 20:4

Wakupaske nge nkhunkhumba kwa mtima wako, ndi kufiska fundu zako zose!

Sumu 20:1

Wamuke iwe Chiuta mu zuŵa la suzgu! Zina laku Chiuta waku Yakobe likuvikiriye!

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

1 Samuele 20:13

Ndipo asani chingaŵakondweska, ada kukuchitiya uheni, Ambuya andichitiye kwakulingana ndipo asazgiyepo so, asani ndireka kukukambiya, kuti utuwepo, ndi kuti mphanyi wenda mu chimangu. Ambuya aŵenge nawe nge ndimo aŵiya ndi ada.

Yoswa 1:16

Ndipo ŵangwamuka Yoswa, ŵanguti, “Tikachitanga chose cho watilanguliya, ndipo tikarutanga kose ko ukatitumanga.

Yoswa 1:18

Yo yose wakagarukiyanga dangu lako ndi kureka kuvwiya mazu ghako, mwaku chose cho wamulanguliya, wabayike. Uŵi ŵaka wanthazi ndi wakukhwima.”

Maŵerengedu 27:18

Ndipo Ambuya angurongoro ndi Mosese. “Uto Yoswa mwana waku Nuni, munthu mwaku mweniyo mwe mzimu, uŵike janja lako paku iyo;

Maŵerengedu 27:20

Mazaza ghako ghanyake umuvwalike, mwakuti wumba wose wa ŵaYisraele umuvwiyenge.

Marangu 34:9

Ndipo Yoswa mwana munthurumi waku Nuni wanguzazika ndi mzimu wachinjeru, pakuti Mosese wanguŵikapo manja paku iyo, ndipo ŵaYisraele ŵangumuvwiya kuchita uli ndimo Ambuya angulanguliya Mosese.

Yoswa 4:14

Pa zuŵa liya Ambuya angukuzga Yoswa mu maso gha ŵaYisraele wose; ndipo ŵanthu ŵanguma ndi kumopa iyo, uli ndimo ŵangope Mosese, mu mazuŵa gha umoyo wake wose.

1 Samuele 17:37

Davidi wanguti, “Ambuya wo angunditaska mu chikufi cha nkharamu ndimu chikufi chaku chipembere, akandipozomoskanga mu janja la muFilisti uyu.” Sauli wanguti kwaku Davidi, “Ruta, Ambuya aŵe nawe!”

2 Samuele 14:17

Sono ndamteŵeti winu ndinguti, ‘Mazu gha mbuyangu karonga ghakandipumuzganga mtima’, pakuti mbuyangu karonga we nge ndi muthenga waku Chiuta kuziŵa umampha ndi uheni. Ambuya Chiuta winu waŵe namwe!”