Yona 4:8 - Tonga Bible 1986

⁸ Ndipo kunguŵa, penipo lumwi lingutuwa, Chiuta wangunozga mphepo yachifundizi yakuvuma, ndipo lumwi lingumocha pa mutu Yona, wanguziririka; ndipo wanguromba, ndi wanguti, “Nkhwamampha kuti ndifwe kuruska kuja wamoyo.”

Yona 4:8 Referans Kwoze

Yona 4:3

Chifukwa cho sono Ambuya, ndimuŵeyani tuzganimo mwangu umoyo wangu, pakuti nkhwamampha kwangu kufwa kuruska kuja wamoyo.”

Ezekiele 19:12

Kweni mphereska yinguzuwika mu ukari, yingupong'eka pasi; mphepo yakutuwa ku vuma yinguyimizga; chipasi chake chingupurutuka, muti wake wanthazi ungufota; moto unguwupirizga.

Sumu 121:6

Dazi kuti likupwetekengi cha ndi msana, nanga ndi mwezi ndi usiku.

Chivumbuzi 7:16

Kuti ŵafwenge msara so cha, chingana nkhuti afwenge nyota so cha; chingana nkhuti dazi lo lingaŵapweteka so cha, chingana nchifundizi chose chakocha cha.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Yesaya 49:10

kuti ŵakavwanga nja chingana ndi nyota cha, mphepo yakocha pamwenga lumwi kuti vikaŵapwetakanga cha, pakuti yo wendi chitima paku iwo wakaŵarongozganga, ndipo mu visima vya maji wakaŵarongozganga.

Yona 1:17

Ndipo Ambuya angutuma chisomba chikuru kumeza Yona; ndipo Yona wenga mu nthombo ya chisomba mazuŵa ghatatu ndi mausiku ghatatu.

Yona 1:4

Kweni Ambuya angutuma mphepo yikuru pa nyanja, ndipo kwenga lirondo lanthazi pa nyanja, viyo ngaraŵa yenga pafupi kusweka.

Sumu ya Zisumu 1:6

Rekani kulereska paku ine, chifukwa nde mufipa, chifukwa lumwi landiŵawuwa. Ŵana ŵanthurumi ŵa ama ŵangundikaripiya, ŵangundichita kuŵa wakusunga munda wa mphereska; kweni munda waku ndamweni wa mphereska kuti ndawusunga cha!

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Mateyu 20:12

ŵakuti, ‘Yaŵa ŵakumariya, wo ŵangutakataka ora limoza pe, waŵalinganizga ndi ifwe, taŵakukomwa ndi uzitu wa msana ndi chifundizi chake.’

1 ŴaKaronga 19:4

Kweni iyo wangwenda lwendo la zuŵa limoza mu bozwa, wanguza ndi wanguja pasi musina mu kamuti ka mweyo; ndipo wangupempha kuti mphanyi wangufwa, wakuti “Mbwenu kwafiskika sono, Ambuya mwe, toni umoyo wangu; pakuti kuti nde wamamphaku cha kuruska ŵada.”

Hoseya 13:15

Chingana wangandana nge ndi dete lakupandika, mphepo yakuvuma, mphepo ya Ambuya, yikazanga, yakutuwa ku lisuwa; ndipo kubwibwituka kwake kukakamukanga, chisimi chake nacho chikakamukanga; yikaskowanga chinthu chose chakuzirwa.

Yona 4:9

Ndipo Chiuta wanguti kwaku Yona, “Kumbi uchita umampha kukalipa chifukwa cha mono?” Ndipo Yona wanguti, “Ndachita umampha kukalipa, chingana ndingafwa.”

Chiyambo 41:6

Ndipo, ehe, pavuli paku gho, masoyo ghankhonde ndi ghaŵi ghangume ghakuphapha ndi ghakufoteskeka ndi mphepo yakuvuma.

1 ŴaKaronga 21:4

Ndipo Ahabu wangusere mu nyumba yake wakufya mtima ndi wakuzitiskika, chifukwa chaku cho Naboti mu Yezerele yo wangukamba kwaku iyo, pakuti wangukamba kuti, “Kuti ndikupaskenge cha chihara cha ada.” Ndipo wangula pa chita chake, ndi wangung'anamukiya kunyake chisku chake, ndipo wangukana kurgha.

Jobu 7:15

viyo mphanyi ndasankha kujikwintha ndi nyifwa kwakuruska viwanga vyangu.

Wakutaula 7:9

Reka kukaripa ruŵi, pakuti kukaripa kugona mu chifuŵa cha ŵakupusa.