Yona 4:2 - Tonga Bible 1986

² Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yona 4:2 Referans Kwoze

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 145:8

Mbakwanja ndi ŵalisungu Ambuya, mba chizita mu kukwiya kweni akuzara chifundu.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Yona 3:10

Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Yona 1:3

Kweni Yona wangusoka kuthaŵiya ku Tarshishi, kutuwapo paurongo pa Ambuya wangusikiya ku Yopa, ndi wangusaniya ngarawa yakulazgiya ku Tarshishi. Viyo wanguripa maripiro pakiyo, ndi wangusere mwaku yo, kuruta nawo ku Tarshishi, kuthaŵa paurongo pa Ambuya.

1 ŴaKaronga 19:4

Kweni iyo wangwenda lwendo la zuŵa limoza mu bozwa, wanguza ndi wanguja pasi musina mu kamuti ka mweyo; ndipo wangupempha kuti mphanyi wangufwa, wakuti “Mbwenu kwafiskika sono, Ambuya mwe, toni umoyo wangu; pakuti kuti nde wamamphaku cha kuruska ŵada.”

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Sumu 90:13

Mpaka zuŵanji? Weni, Ambuya mwe! Chitiyani lisungu ŵateŵeti ŵinu.

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Yeremiya 20:7

Ambuya mwe, mwandipusika, ndipo ndingupusikika; mwe ŵakulimba kwakuruska ine, ndipo imwe mwapunda. Ine ndaŵa chakusekeka, zuŵa lose weyose watindiwera.

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.

Sumu 103:8

Mba chitima ndi ŵawezi Ambuya, mba chizita mu kukaripa, kweni mbakuzala ndi chanju chakufikapo.

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Yeremiya 42:10

asani mukajaririyanga mu charu ichi, iku ndikakuzenganinga, kumuguziyani pasi cha; ndikakupandaninga, ndipo kuti ndikuponthoninga cha; pakuti ndaweko ku uheni wo ndikumuchitiyani.

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”