Yona 3:9 - Tonga Bible 1986

⁹ Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Yona 3:9 Referans Kwoze

2 Samuele 12:22

Iyo wanguti, “Mwana weche wamoyo ndingufunga kurgha ndinguliya, chifukwa ndinguti, ‘Njani waziŵa panyake Ambuya andichitiyenge lisungu, kuti mwana waŵenge wamoyo?’

Yona 1:6

Viyo nduna ya ngarawa yinguza kwake ndi yinguti kwaku iyo, “Ung'anamuwanji iwe pakugona? Yuka, dana kwaku Chiuta wako! Vinu Chiuta wako wangatikumbuka kuti tireke kuyowa.”

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Sumu 85:3

Mungureka ukari winu paku iwo, mungujiwezga ku ufyu wa kandundu kinu.

Sumu 90:13

Mpaka zuŵanji? Weni, Ambuya mwe! Chitiyani lisungu ŵateŵeti ŵinu.

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.

Yona 1:15

Viyo ŵangumunyamuwa Yona, ndi ŵangumupong'a mu nyanja; ndipo nyanja yingureka kupoma.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.