Yona 3:3 - Tonga Bible 1986

³ Viyo Yona wangusoka, ndi wanguruta ku Nineve, kwakulingana ndi mazu gha Ambuya. Sono Nineve wenga msumba ukuru wakufikapo wa lwendo la mazuŵa ghatatu mu usani.

Yona 3:3 Referans Kwoze

Sumu 80:10

Miduzi yake yingubenekere mapiri, milanji yanthazi yingukukika ndi mphanda zake.

Chiyambo 22:3

Viyo Abrahamu wanguyuka ndi mlenji-lenji wangulongoso mbunda yake, ndipo wangutopo ŵaŵi ŵa ŵanyamata ŵake pamoza nayo, ndi, mwana wake Yisaki; ndipo wangudumuwa nkhuni za sembe yakocha, ndipo wangusoka ndi wanguruta ku malo gho Chiuta wangumunene.

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Chiyambo 30:8

Sono Rakelo wanguti, “Ndikulimbana kwanthazi ndalimbana ndi muku wangu, ndipo ndapunda”; viyo wangudana zina lake Naftali.

2 Timote 4:11

Luka walipo yija pamoza nane. Wati wato Marko, zanga nayo pamoza ndi wamweni: chifukwa ku uteŵeti ngwakovya kwaku ine.

Yesaya 37:37

Sono Senakeribu karonga wa Asiriya wanguruta, wanguwere kwake ndi wanguja mu Nineve.

Yona 1:2

“Soka, ruta ku Nineve, msumba ukuru, ndi ukadanirizge ku ususka, pakuti uheni wawo wakwere paurongo pangu.”

Yona 4:11

Kumbi kuti nditenere kugowoke Nineve cha, msumba uwa ukuru, mwenimo ŵanthu ŵaruska vikwi machumi pe chumi pachanya vikwi machumi ghaŵi (120,000) wo mbambura kuziŵa mupambano pakati pa janja lawo la marghe ndi janja lawo la maze, ndipo so ng'ombe zinandi?”