Yona 3:10 - Tonga Bible 1986

¹⁰ Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Yona 3:10 Referans Kwoze

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Luka 15:20

Ndipo wangusoka, wanguza ku wiske. Kweni weche kutari iyo, wiske wangumwona, ndi wanguzazika ndi chitima, ndipo wakuchimbiya wanguwa pa khosi lake, ndi wangufyofyontha.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Luka 11:32

Ŵanthurumi ŵaku Nineve ŵasokiyenge mu cherezgu cho pamoza ndi mphapu iyi, ndipo ŵayisuskenge; pakuti ŵangung'anamuka chitaula chaku Yona; ndipo onani, wakuzungura Yona we panu.

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

1 Mikoka 21:15

Chiuta wangutuma mungelo ku Yerusalemu kuwuparghang'a; kweni penipo wenga pafupi kuwuparghang'a Ambuya anguwona ndipo angugowoka pa uheni uwu; anguti ku mungelo wakuparghang'a, “Mbweno, gowozga janja lako sono.” Ndipo mungelo wa Ambuya wanguma pafupi pa mbuli waku Ornani mu Yebusi.

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Yeremiya 36:3

Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Yeremiya 42:10

asani mukajaririyanga mu charu ichi, iku ndikakuzenganinga, kumuguziyani pasi cha; ndikakupandaninga, ndipo kuti ndikuponthoninga cha; pakuti ndaweko ku uheni wo ndikumuchitiyani.

Yona 4:11

Kumbi kuti nditenere kugowoke Nineve cha, msumba uwa ukuru, mwenimo ŵanthu ŵaruska vikwi machumi pe chumi pachanya vikwi machumi ghaŵi (120,000) wo mbambura kuziŵa mupambano pakati pa janja lawo la marghe ndi janja lawo la maze, ndipo so ng'ombe zinandi?”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Yeremiya 18:7

Asani pa nyengo yose ine nditaula pa mtundu pamwenga pa ufumu kuti ndikawuponthonga ndi kuwuswiya pasi ndi kuwananga,