Yona 2:4 - Tonga Bible 1986

⁴ Viyo ndinguti, ‘Ndatuzgikapo pa maso ghinu, ndilereskenge so uli pa kasopi winu wakupaturika?’

Yona 2:4 Referans Kwoze

Sumu 31:22

Ine mukuchiruka kwangu ndinguti, “Ndadikiskikiya kutali kutuwako ku chisku chinu.” Kweni munguvwa kuŵeyere kwangu, po ndinguliriya chovyo kwaku imwe.

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Yesaya 38:17

Ehe nchifukwa chaku ndamweni ndinguŵa ndi urwirwi ukuru; kweni imwe mwawezgako umoyo wangu ku zenje la pharghaniko, pakuti mwapong'a uheni wangu wose kuvuli ku msana winu.

2 Mikoka 6:38

asani ŵang'anamuka ndi vinjeru vyawo vyose ndi mtima wawo wose mu charu cha umkoli wawo kweniko ŵakutoreke umkoli, ndi ŵaromba kurata ku charu chawo cho imwe mukupaska ku asukeu, msumba wo mwasankha, ndi nyumba yo ndazenge zina linu,

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Yeremiya 7:15

Ndipo ndikakudikiskaninga ku chisku changu, uli ndimo ndingudikiskiya ŵabali ŵinu, mphapu yose yaku Efraimu.

Ezekiele 37:11

Penipo angunena nane, “Mwana wa munthu, viwanga ivi ndi nyumba yose yaku Yisraele. Awona, ŵatiti, ‘Viwanga vidu vyamira, chigomezgu chidu chawara, tadumurika kwamara.’

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yesaya 49:14

Kweni Zioni wanguti, “Ambuya andijowo ine, Ambuya andiruwa ine.”

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

1 ŴaKaronga 8:48

asani ŵang'anamuka ndi chinjeru chawo chose ndi ndi mtima wawo wose mu charu cha ŵakupindikana ŵawo, wo ŵanguŵayore ku umkoli, ndipo ŵaromba kwaku imwe kurata ku charu chawo, chenicho mungupaska ku auskeu, msumba wo mukusankha, ndi nyumba yo ndazenge zina linu,

1 ŴaKaronga 8:42

(pakuti ŵakavwanga ghazina linu likuru, ndi janja linu la nthazi, ndi mkono winu wakutambaruka), asani watuza kuzachiromba kuratana ndi nyumba iyi,

Yona 2:7

Penipo mzimu wangu ungufundamiya mukati mwangu, ndingukumbuka Ambuya; ndipo rombo langu lingufika kwaku imwe, ku kasopi winu wakupaturika.

Sumu 42:8

Ndi msana Ambuya alanguliya chifundu chawo; ndipo ndi usiku sumu yawo ye paku ine, rombu kwaku Chiuta wa umoyo wangu.

Sumu 88:6

Mwandipong'a pasi pa muunda, mu zenje litali la mdima.

Sumu 88:7

Ukari winu utindizitiska, ndipo ndisuzgika kusi ku mayigha ghake.

Chitenje 3:54

maji ghabizga mutu wangu, ndinguti, ‘Ndatayika.’