Yona 1:4 - Tonga Bible 1986

⁴ Kweni Ambuya angutuma mphepo yikuru pa nyanja, ndipo kwenga lirondo lanthazi pa nyanja, viyo ngaraŵa yenga pafupi kusweka.

Yona 1:4 Referans Kwoze

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Sumu 135:7

Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

Chituwa 10:19

Ndipo Ambuya angung'anamuwa mphepo ya nthazi ukongwa yaku zambwe, yeniyo yingusoska ŵazombe ndi kuŵaputiskiya mu Nyanja Yiyera, kuti mungusiyika zombe nanga njumoza cha mu charu cha Egipiti.

Maŵerengedu 11:31

Ndipo kungutuwa mphepo ku Ambuya, yo yinguza ndi tumbuŵi kutuliya ku nyanja, ndi kutuwiska pa ugoŵi, pa ulendo wa zuŵa limoza kuchiri kuno ndi ulendo wa zuŵa limoza kuchiri kunyake, kwakuzunguliya ugoŵi, ito tunguwa ndi kuwunjikika mu mulu ya mikono yiŵi ku vunikiriya charu.

Chituwa 15:10

Munguphuta ndi mphepo yinu, nyanja yinguŵavimba; ŵangudodome pasi uli ndi ndolo mu maji ghanthazi.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Chituwa 10:13

Viyo Mosese wangutambaruliya ndodo yake pa charu cha Egipiti, ndipo Ambuya anguputiska mphepo yaku vuma pa charu zuŵa lose liya ndi usiku wose wuwa; ndipo kunguti kwacha ndi mlenji mphepo yiya yaku vuma yinguza ndi ŵazombe.

Sumu 135:6

Ambuya achita chose cho akhumba, kuchanyandi pa charu chapasi, mu zinyanja ndi mu zindimba viyo.

Yeremiya 51:16

Wachikamba mazu ghake, maji ghanandi ghatuwa mu machanya, ndipo wang'iska nyankhuŵinda, kutuwa ku maumari gha charu chapasi. Wachitiska malimphezi ghapaske vuwa, ndipo watuzga mphepo mu vyakusungiyamo vyake.

Sumu 148:8

Moto ndi fukunyira, nyankhuŵinda ndi chiuli, mphepo za nthazi zakuvwiya langulu lake!