Yohane 8:59 - Tonga Bible 1986

⁵⁹ Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Yohane 8:59 Referans Kwoze

Yohane 11:8

Ŵamnene ŵasambizi, “Msambizi, sono yapa ŵaYuda ŵalembenga kukubayani, ndipo mutiyako so?”

ŴaLevi 24:16

Yo watuka zina la Ambuya wabayike: mpingu wose ukamudinanga ndi mya. Mlendo wakutandara mukati mwinu ndi mwenicharu nayo, asani watuka, zina lo, wakabayikanga.

Machitidu gha Ŵakutumika 7:57

Kweni iwo, pakukambura ndi mazu ghakuru, ŵangujara makutu ghawo, ndipo ndi mtima umoza ŵangurotoke pake;

Yohane 18:31

Pilato wanguŵanene, “Mtoni imwe, ndipo kwakulingana ndi langulu lino mweruzgani.” ŴaYuda ŵangunena nayo, “Kuti kuyiyamu ifwe cha kubaya munthu.”

Yohane 12:36

Mweche nako kungweruka, vwanani mu Kungweruka ko, alinga kuti muŵe ŵana ŵa Kungweruka.” Wanguti warongoro yagha Yesu, wanguruta ndi wangubisama kutuwako kwaku wo.

Yohane 11:54

Viyo Yesu kuti wendanga so pakweru mu ŵaYuda cha, wangutuwako kuya ku charu chakufupi ku bozwa, ku muzi wakuzumbulika Efraimu; ndipo wanguja kweniko pamoza ndi ŵasambizi.

Yohane 5:13

Kweni wakuchizgika wengavi kuziŵa kuti wenga yani munthu yo, chifukwa Yesu wangunyeremuka, pakuŵapo mzinda penipo.

Luka 24:31

Ndipo maso ghawo ghangujurika, ndipo ŵangumziŵiska; ndipo iyo wanguŵangwarangwanduka.

Chiyambo 19:11

Ndipo ŵanguŵapuma ndi uchiburumutiya ŵa ŵanthu ŵenga pa khomo la nyumba, wose ŵanamana ndi ŵaraŵara, mwakuti ŵangujivuska kupenjapenja khomo.

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.

Mateyu 12:14

Kweni ŵafarisi, ŵangutuwamo, ŵangupangirana upu paku iyo, mo ŵamunangiyenge.

Yohane 9:1

Ndipo wachiruta, wanguwona munthu wachiburumutiya kutuwa ku kawi.