Yohane 8:58 - Tonga Bible 1986

⁵⁸ Wanguŵanene Yesu, “Nadidi ndikuneneskiyani, wenga wandawe Abrahamu, ine ndiriko.”

Yohane 8:58 Referans Kwoze

Chituwa 3:14

Chiuta wanguti kwaku Mosese, “NDINE MWENIYO NDINE.” Ndipo wanguti, “Ukakambe ichi ku ŵaYisraele, ‘NDINE, wandituma kwaku imwe.’ ”

ŴaKolose 1:17

Ndiyo wakudanga pa vinthu vyose, ndipo mwaku iyo vyose vikorana pamoza.

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yesaya 48:12

“Tegherezga kwangu, Yakobe we, ndi Yisraele, mweniyo ndingudana! Ndine Iyo, ndine wakudanga, ndipo nde wakumariya.

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Yesaya 43:13

“Ndine Chiuta, ndipo so kwamba sono ndine Iyo; palivi chingana njumoza mweniyo wangaziŵa kutaska ku janja langu; nditata ndipo njani wangakanizga ichi?”

Yesaya 46:9

kumbukani vinthu vyakudanga vya mwaka; chifukwa ndine Chiuta, ndipo kulivi so munyake; ndine Chiuta ndipo kulivi nanga njumoza wakukozgana nane,

Yesaya 44:8

Mungopanga cha, chingana nkhufipa mtima; kumbi ndilivi kumuneniyani kutuwa ku vya mwaka ndi kuvitaula? Imwe mwe ŵakaboni ŵangu! Kumbi pe chiuta munyake pade paku ine? Palivi Jarawe, ine ndindaliziŵe nanga ndimoza.”

Yohane 8:51

Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.”

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Yohane 8:34

Yesu wanguŵamuka, “Nadidi ndikuneneskiyani, yose wakuchita chilakwa, ndi muŵanda wachilakwa cho.

Yohane 8:24

Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.”

Yohane 8:28

Yesu wanguŵanene, “Penipo mukasoskanga, Mwana wa munthu, ndipo muziŵenge kuti ine ndine iyo ndi kuti kutuwa kwaku Ndamweni kuti ndichita kanthu cha, kweni nge ndimo wandisambizgiya Dada, ndirongoro vyenivi.

Yohane 10:25

Yesu wanguŵamuka, “Ndakuneniyani, ndipo kuti muvwana cha; nchitu zo ndichita ine mu zina la Ada, zenizo zitindisimikizgiya;