Yohane 8:46 - Tonga Bible 1986

⁴⁶ Njani wamwaku imwe yo watindipacha ndi ulakwi? Asani ndirongoro uneneska, chifukwa chine mureka kuvwana mwangu?

Yohane 8:46 Referans Kwoze

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

Yohane 14:30

Kuti ndirongoronge namwe vinandi so cha, chifukwa yituza fumu ya charu chino. Ndipo kuti ye ndi nthazi paku ine cha;

Yohane 8:7

Kweni ŵachirutiriya kumfumba, wanguyinuka, ndiwangunena nawo, “Mzira-ulakwi mukati mwinu wadange kumpong'a mya.”

Marko 11:31

Ndipo ŵangukambirana mwaku ŵija, ŵakuti, “Asani tinenenge, ‘Kutuwa kuchanya,’ ŵakambenge, ‘Na, chifukwa chine mwengavi kuvwana nayo?’

Mateyu 21:25

Ubatizo waku Yohane ungutuliya nunkhu? Kutuwa kuchanya, pamwenga ku ŵanthu?” Kweni iwo ŵangususkana mwaku ŵija, ŵakuti, “Asani tititi, ‘Kutuwa kuchanya’; watineniyenge, kuti, ‘Na chifukwa chine mungureka kuvwana mwake?’

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 16:8

Ndipo watakuti waza iyo, wazampanikizgiya charu pa ulakwi, ndi pa urunji, ndi pa cheruzgu:

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 8:47

Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”