Yohane 8:38 - Tonga Bible 1986

³⁸ Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.”

Yohane 8:38 Referans Kwoze

Yohane 5:19

Yesu wanguŵamuka wanguŵanene, “Nadidi, ndikuneneskiyani, Mwana walive nthazi kuchita kanthu pa khumbo lakuyija, kweni keniko wawona Dada wachita: chifukwa vyenivyo wachita Dada, vyenivyo ndivyo Mwana wachita kwakulingana.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yohane 5:30

“Ine ndirive nthazi kuchita kanthu mwaku ndija: mo ndivwiya, nditeruzga; ndipo cheruzgu changu nchirunji; pakuti ndipenja khumbo langu cha, kweni khumbo laku yo wangundituma.

Yohane 14:24

Wakureka kundanja kuti wasunga mazu ghangu cha: ndipo mazu gho mutuvwa, kuti ngangu cha, kweni nga Ada wakundituma.

Yohane 14:10

Asi uvwana kuti ine nde mu Dada, ndi kuti Dada we mwaku ine? Mazu gho nditukukambiyani kuti ndirongoro ghakutuwa kwaku ndamweni cha; kweni Dada wakujaririya mwangu watata nchitu zake.

Yohane 8:26

Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.”

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?