Yohane 8:33 - Tonga Bible 1986

³³ Wangumwamuka, “Te mbeu yaku Abrahamu, ndipo kali kose kuti taŵa ŵaŵanda ku yumoza cha: ukamba uli iwe, ‘Muŵenge ŵanangwa?’ ”

Yohane 8:33 Referans Kwoze

Mateyu 3:9

ndipo mungapimanga cha kunena mwaku mwaŵeni, ‘Uskefwe te nayo Abrahamu,’ chifukwa ndikuneniyani kuti ngwanthazi Chiuta ku mya yeniyi kumyuskiya Abrahamu ŵana.

Yohane 8:39

Wangwamuka, wangumnene, “Auskefwe mba Abrahamu.” Yesu waŵanene, “Ne mwenga ŵana ŵaku Abrahamu, mphanyi mwachitanga nchitu zaku Abrahamu.

Yohane 8:37

Ndiziŵa kuti mwe mbeu yaku Abrahamu; kweni mulembe kundibaya, pakuti mazu ghangu ghalive kusaniya malo mwaku imwe.

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Yohane 19:25

Kweni ku rwandi la mphinjika yaku Yesu ŵangumako anyina, ndi mhurwa wa anyina, Mariya muwoli waku Klopa, ndi Mariya waku Magdala.

Ezra 9:9

Chifukwa tenga ŵaŵanda kweni Chiuta widu wengavi kutisiya mu uŵanda widu, watichitiya lisungu paurongo pa ŵakaronga ŵaku Perese, kutiyuska kuti tizenge nyumba yaku Chiuta widu, ndi kurongoso umampha kupasuka kwake, ndi kutipaska linga mu Yuda ndi mu Yerusalemu.

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

Ŵeruzgi 3:8

Chifukwa cho ukari wa Ambuya ungukole paku Yisraele, ndipo anguŵaguliska mu janja laku Kushani-rishataimu karonga waku Mesopotamia, ndipo ŵaYisraele ŵangutataliya Kushani-rishataimu virimika vinkhonde ndi vitatu.

Ŵeruzgi 2:18

Penipo pose Ambuya anguŵamikiya ŵeruzgi, Ambuya ŵenga pamoza ndi mweruzgi, ndipo anguŵapozomoska ku janja la ŵakupindikana ŵawo mu mazuwa ghose gha mweruzgi yo; pakuti Ambuya angukoreka chifundu pa mitamanthu yawo chifukwa cha ŵakuŵayuzga ndi kuŵasuzga.

ŴaLevi 25:42

Pakuti ŵana ŵanyako mbateŵeti ŵangu wo ndingutuzga mu charu cha Egipiti; Wangaguliskikanga nge mba ŵanda cha.

Luka 3:8

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.

Yohane 8:43

Chifukwa chine mureka kuwamu mu kakambidu kangu? Nchifukwa chakuti mulive kuziŵa kughavwa mazu ghangu.

ŴaRoma 9:7

ndipo kuti ndi wose cha wo mbana ŵaku Abrahamu pa chifukwa chakuti ndi mphapu yaku Abrahamu; kweni, “Muwaku Yisaki mphapu yaku, yikadanikanga.”