Yohane 8:29 - Tonga Bible 1986

²⁹ Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.”

Yohane 8:29 Referans Kwoze

Yohane 6:38

Pakuti ndasika kuchanya kuti ndilichite khumbo langu cha, kweni khumbo la wakundituma yo.

Yohane 16:32

Awonani, ora lituza, ndipo nadi lafika, lakuti mumbininikenge imwe munthu yose ku nyumba yake, ine mundisiyenge ndija: ndikweni kuti nde ndija cha, pakuti Ada we nane pamoza.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 5:30

“Ine ndirive nthazi kuchita kanthu mwaku ndija: mo ndivwiya, nditeruzga; ndipo cheruzgu changu nchirunji; pakuti ndipenja khumbo langu cha, kweni khumbo laku yo wangundituma.

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Yohane 8:16

Ndikweni asani ndingeruzga ine, cheruzgu changu nchakuneneska; pakuti kuti nde ndija cha, kweni ine ndi Dada wakundituma.

1 Yohane 2:1

Mwatwana twangu, ndikulembiyani vyenivi kuti mungalakwa cha. Ndipo asani munthu wangalakwa, nkhoswi te nayo ku Dada, Yesu Kristu murunji yo:

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Yohane 14:31

kweni alinga kuti charu cho chiziŵe kuti nditanja Dada, ndicho chifukwa ndichita vyose nge ndimo watindilanguliya. Yukani, tituwepo panu.

Yohane 17:4

Ine ndarongo unkhankhu winu panupasi; mwakuti ndafiska nchitu yo mungundipaska kwachichita.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Yesaya 42:6

“Ndine Ambuya, ndakudaniya mu urunji, ndakuto ndi janja, ndakusunga,” ndakupaska uli ndi phanganu ku ŵanthu, lumbuni ku mitundu,

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

Yesaya 42:21

Ambuya angukondwa, chifukwa cha urunji wawo, kutumbika dangu lawo ndi kulikankhuska.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

2 Timote 4:22

Mbuya waŵe ndi mzimu wako Wezi uŵe namwe.

Mateyu 3:15

Kweni wakwamuka Yesu wangumunene, “Inya kuŵi viyo: chifukwa nkwakwenere ifwe kufiska urunji wose.” Sono wangumzomerezga.

1 Yohane 3:22

ndipo chose chenicho tipempha, tironde kwaku iyo, chifukwa tisunga marangu ghake, ndipo tivichita vyakunozga pa maso pake.