Yohane 7:7 - Tonga Bible 1986

⁷ Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Yohane 7:7 Referans Kwoze

Yohane 3:19

Ndipo ichi ncheruzgu cho, kuti Kungweruka kwaza mu charu, kweni ŵanthu ŵangwanja mdima ukongwa kwakuruska Kungweruka ko; chifukwa zenga ziheni nchitu zawo.

ŴaGalatia 4:16

Viyo na, kumbi ndaŵa wamawongo winu pakumuneneskiyani?

1 Yohane 4:5

Iwo mbakutuliya ku charu: chifukwa chenichi ŵakamba ulaka mba charu, ndipo charu cho chituŵavwa.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Yohane 17:14

Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

Yeremiya 20:8

Pakuti penipo pose ndikamba, ndiliya, ndibangula, “Chiwawa ndi phasulu!” Pakuti mazu gha Ambuya ghandiŵiya ine tozu ndi chakusekeka zuŵa lose.

Nthanthi 8:36

kweni yo wapambana nane watijipweteka mweneko, wose ŵeniwo ŵatinkha ine ŵatanja nyifwa.”

Luka 6:26

“Owe, penipo ŵanthu wose ŵakambiyenge kwakunozga paku imwe! Pakuti kwakulinganalingana ŵauskeu ŵachitiyanga ŵamchimi ŵatesi.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yesaya 29:21

ŵeniwo ndi mazu ŵachitiska munthu kuŵa wakwananga, kumuthya chiŵana mweniyo wasusuka mu likomo, ndipo ndi mpandira wa waka ŵapenevya yo ngwakurunjika.

Nthanthi 15:12

Wakunyoza kuti wakhumba kuchenyeka cha; kuti wakhumba kuya ku wazeru cha.

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

Sumu 109:5

Ŵatindiripa uheni pakuŵachitiya umampha ndi kutinkha po ine ndituŵanja.

ŴaLevi 13:10

ndipo mzukuru wakamupimanga ndipo asani mwe kakutupa katuŵa mu khungu, keniko kasanduska cheya kuŵa chituŵa ndipo mu munofu muwoneka kakutupa ko;