Yohane 7:39 - Tonga Bible 1986

³⁹ Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Yohane 7:39 Referans Kwoze

Machitidu gha Ŵakutumika 2:17

‘Ndipo kuŵenge mu mazuŵa ghakumariya, watiti Chiuta, nkhapunguliyanga Mzimu wangu pa ŵanthu wose ndipo ŵamchima ŵana ŵanthurumi ŵinu ndi ŵana ŵanthukazi ŵinu, ndipo majaha ghinu ghamuwona viwoniwoni, ndi madoda ghinu ghamlota maloto;

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Machitidu gha Ŵakutumika 2:4

Ndipo ŵanguzazika wose ndi Mzimu Wakupaturika, ndi ŵangwamba kurongoro ndi malilime ghamwenga, uli ndimo Mzimu waŵapaskiyanga kwachirongoro.

Yohane 16:7

Nakweni naku ndikuneniyani uneneska, nkhwamampha kwaku imwe kuti ine ndirute: chifukwa asani ndiruta nkhamutumanga kwaku imwe.

Yohane 12:16

Ŵasambizi ŵake ŵengavi kuwamo ichi pa mtendeku; kweni penipo Yesu wangukankhuskika sono Wangukumbuka kuti ivi vingulembeke iyo, ndi kuti ŵangumchitiya iyo vyenivi.

Yesaya 32:15

mpaka penipo Mzimu wakutuliya kuchanya wadika paku ifwe, ndi bozwa lisanduka munda wakupasa, ndi munda wakupasa uneneka kuti ndi lisuwa.

ŴaRoma 8:9

Kweni kuti imwe muja kwakuyana nge ndimo kaŵiro ka unthu winu katikuneniyani cha, muja uli ndimo Mzimu watikuneniyani, pakuti nadi, Mzimu waku Chiuta uja mwaku imwe. We yose yo walive Mzimu waku Kristu, kuti ngwaku iyo cha.

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Yohane 20:22

Ndipo wati wakamba ichi, wanguŵauziriya wanguti kwaku wo, “Rondeni Mzimu Wakupaturika.

Yohane 12:23

Ndipo Yesu wanguŵamuka, “Ora lo laza, lakuti wakankhuskike Mwana wa munthu.

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

2 ŴaKorinte 3:8

na uli ukongwako asi uteŵeti wa mzimu ukaŵanga ndi unkhankhu ukuru?

Machitidu gha Ŵakutumika 4:31

Ndipo ŵati ŵaromba, ghanguyaghayika malo mwenimo ŵanguwungana ndipo ŵanguzazika wose ndi Mzimu Wakupaturika, ndipo ŵarongoronga mazu ghaku Chiuta ndi chiganga.

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

Yohane 7:12

Ndipo kwenga dinginiku likuru lasuskanu paku iyo mu mizinda yo; ŵanyake ŵatinge, “Ngwamampha”; kweni ŵanyake ŵatinge “Awa, wapuruska ŵanthu.”

Yohane 6:14

Viyo ŵachiwona wo ŵanthu chisimisimi cho wanguchita, ŵatinge, “Nadidi, mwenuyu ndi mchimi yo watuza mu charu.”

Yohane 1:33

Ine nane kuti ndingumziŵa cha: kweni yo wangudituma kwachibatiza ndi maji, ndiyo wangundinene, ‘Paku mweniyo ungawona Mzimu kusoromoka ndi kuja pake, mweniyo ndiyo wabatiza ndi Mzimu Wakupaturika.’

Yohane 1:25

Ndipo wangumfumba, “Na ubatiziyanji asani iwe kuti ndiwe Kristu cha, chingana ndi Eliya chingana ndi mchimi yo?”

Yohane 1:21

Ŵangumfumba, “Na uli? Kumbi ndiwe Eliya?” Ndipo wali, “Kuti ndine iyo cha.” “Kumbi ndiwe mchimi?” Ndipo wangwamuka, “Awa!”

Luka 24:49

Ndipo awonani, ine nditumiya paku imwe phanganu la Ada: kweni tandarani imwe mu msumba, mpaka mufukika ndi nthazi yakutuliya kuchanya.”

Luka 7:16

Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Luka 3:16

wangwamuka Yohane, wakuŵanene wose, “Ine ndikubatizani ndi maji; kweni watuza wanthazi ndi ine, mikoŵezu ya viyatu vyaku mweniyo kuti nde wakwenere cha kufwatuwa; iyo wabatizenge imwe ndi Mzimu Wakupaturika ndi moto;

Mateyu 16:14

Wanguti iwo, “Ŵanyake ŵatiti, Yohane Mbatizi, ŵanyake ŵatiti Eliya; ndi ŵamwenga, Yeremiya, pamwenga yumoza wa ŵamchimi.”

Nthanthi 1:23

Phwereni kuchenjezga kwangu, ehe, ndikapunguliyanga maghanughanu, ghangu kwaku imwe; ndikaziŵiskanga mazu ghangu kwaku imwe.

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Mateyu 21:11

Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Yesaya 12:3

Mukaneghanga maji ndi likondwa kutuwa mu visima vya utaski.

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Yohane 8:54

Wangwamuka Yesu, “Asani ine nditijikankhuska unkhankhu wangu kuti nkhanthu cha; Ada mbakundikankhuska; wo imwe munena, kuti ndi Chiuta winu;

Yohane 16:14

Iyo wazamkankhuska ine: pakuti watongeko vyangu, ndipo wamkuvivumbiliya kwaku imwe.

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Machitidu gha Ŵakutumika 19:2

ndipo wanguti kwaku iwo, “Kumbi munguronde Mzimu Wakupaturika po munguvwana?” Ndipo ŵangumunene iwo, “Awa na, tengavi kuvwa chingana nkhuti Mzimu Wakupaturika walipo.”