Yohane 7:30 - Tonga Bible 1986

³⁰ Viyo ŵalembanga kumko: ndikweni kwengavi yumoza wanguŵikapo pake janja, pakuti ora lake lenga lindaze.

Yohane 7:30 Referans Kwoze

Yohane 10:39

Wangulembe so kumko; ndipo wangufwanthamuka mu manja gha wo.

Yohane 8:20

Mazu yagha wangurongoro nawo muchipinda chakusungiya mu ndrama, wachisambizga mu kasopi; ndipo kuti yumoza wangumko cha; pakuti ora lake lengalindaze.

Yohane 7:6

Yesu waŵanene, “Nyengo yangu yindaze; kweni nyengo yinu njakurongosoleka mazuŵa ghose.

Yohane 7:32

ŴaFarisi wanguvwa mzinda uchidinginika paku iyo; ndipo ŵazukuru ŵara ndi ŵaFarisi ŵangutuma ŵamirizi mwakuti ŵamko.

Yohane 11:57

Kweni ŵazukuru ŵara ndi ŵaFarisi ŵangulanguliya ŵanthu, kuti, asani yumoza wangaziŵa po wangaŵa ŵatenere kukamba alinga kuti ŵamko.

Yohane 9:4

Titenere kuzitata nchitu za Wakundituma, kweche msana: kutuza usiku, penipo palive yumoza waziŵa kutata nchitu.

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Yohane 8:37

Ndiziŵa kuti mwe mbeu yaku Abrahamu; kweni mulembe kundibaya, pakuti mazu ghangu ghalive kusaniya malo mwaku imwe.

Yohane 7:19

Mosese wangukupaskani langulu? Ndipo palive yumoza mwaku imwe wasunga langulu. Chifukwa chine mulembe kundibaya?”

Yohane 7:8

Rutaninge imwe ku dghera lo: ine kuti ndirutenge ku dghera ili cha, pakuti nyengo yangu yindafiskike.”

Luka 22:53

Ndenga ndeche pamoza namwe zuŵa ndi zuŵa mu kasopi yo, kuti mungutambaruliya manja pangu cha; kweni lenili ndi ora linu, ndi mtufu wa mdima.”

Luka 20:19

Ndipo ŵalembi ndi ŵazukuru ŵara ŵangulembe kumko ku manja mu ora leniliya; ndipo ŵangopa khamu lo; chifukwa ŵanguziŵa kuti paku iwo wangutayiya ntharika yeniyi:

Marko 11:18

Ndipo ŵazukuru ŵara ndi ŵalembi ŵanguvwa, ndipo ŵapenjanga mo ŵamnangiyenge: chifukwa ŵamopanga, pakuti mzinda wose wazizwanga pa chisambizgu chake.

Mateyu 21:46

Ndipo pakupenja kuti ŵamuko, ŵangopa mizinda yo, pakuti yenga nayo nge ndi mchimi.

Yesaya 46:10

kutaula vya umari kwamba ku vyaru mtendeko kutuliya ku vyanyengo zamwaka mpaka ku vinthu vyo vindachitike, kunena kuti, ‘Fundu yangu vikamanga, ndipo ndikafiskanga vyose vyo ndakhumba kufiska.’

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Yohane 10:31

ŴaYuda ŵangusoska so mya, kuti ŵampong'e.

Mateyu 12:14

Kweni ŵafarisi, ŵangutuwamo, ŵangupangirana upu paku iyo, mo ŵamunangiyenge.