Yohane 6:63 - Tonga Bible 1986

⁶³ Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Yohane 6:63 Referans Kwoze

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

ŴaGalatia 5:25

Asani tijariya umoyo ndi Mzimu, ndi Mzimu so tendeyenge.

Sumu 119:93

Kuti ndikapatanga virungu chizgu vinu cha nyengo yose, chifukwa mwaku vyenivyo imwe mwandisunga wamoyo.

Yohane 6:68

Simoni Petro wangumwamuka, “Ambuya, tikayanga kwaku yani? Imwe mwe nagho mazu gha umoyo wamuyaya.

Sumu 119:50

Nanga ndi mu suzgu yangu ndinguŵa wakusangaruka, chifukwa phanganu linu likundipaska umoyo.

1 Petro 1:23

pakupapika so, ku mbeu yamawoleka cha, kweni ku yiziramawoleka, mu mazu ghaku Chiuta, ghamoyo ndi ghakujaririya.

Sumu 119:130

Kupataula kwa mazu ghinu kupaska ukweru, kupaska zeru kwaku wo mbajira.

Marangu 32:47

Pakuti kuchita viyo kwaku imwe kuti ndi saza cha, kweni mbumoyo winu, ndipo viyo mukajanga ŵamoyo nyengo yitali mu charu cho muserengemo kuŵa chinu pa mwambuka Yordane.”

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

ŴaRoma 10:17

Viyo chivwanu chituliya mu kuvwa, ndi kuvwa ko mu mazu ghaku Kristu.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

Yakobe 1:18

Kwakuyana ndi khumbu lake wangutipapiya ndi mazu gha uneneska, kuti tiŵe ifwe mruwuku wakuti wa vilengeka vyake.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

ŴaGalatia 6:15

Chifukwa chingana ndi mchinju kuti nkhanthu cha, chingana nkhuwura-mchinju, kweni chilengeka chifya.

ŴaRoma 2:25

Pakuti nadi mchinju utanduwa, asani uchita dangu: kweni asani ndiwe mjumpha-dangu, mchinju wako waŵadi uruwa-mchinju.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Nthanthi 4:13

Koreska chisambizgu, kutaya cha; uchivikiriye, pakuti ndicho umoyo wako.

Yohane 5:21

Chifukwa uli ndimo Dada wayuskiya ŵakufwa ndi kuŵasanduska ŵamoyo, viyo Mwana nayo waŵasanduskenge ŵamoyo ŵeniwo wakhumba.

Machitidu gha Ŵakutumika 5:20

“Kaninga; ndipo mani mu kasopi mo, ndi kambani ku khamu manenedu ghose gha Umoyo uwu.”