Yohane 6:45 - Tonga Bible 1986

⁴⁵ Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Yohane 6:45 Referans Kwoze

Yesaya 54:13

Ŵana ŵako wose ŵakasambizgikanga ndi Ambuya, ndipo kusakata kwa ŵana ŵako kukaŵanga kukuru.

ŴaHebere 10:16

“Ichi nchipangano cho nkhachitanga nawo pavuli pa mazuŵa gho, atiti Ambuya: Nkhaŵikanga marangu ghangu mu mitima yawo, ndipo pa njuŵi zawo ndighalembenge.”

1 ŴaTesalonika 4:9

Kweni kuti mukavuka cha kuti yumoza walembe kwaku imwe ghapa kwanja-ŵabali: chifukwa mwaŵeni mwasambizgika ndi Chiuta kwanjana;

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Yohane 6:65

Ndipo watinge, “Chifukwa chenichi ndakuneniyani, kuti waziŵa yumoza kuza kwaku ine cha kwambura kuti kwapaskika kwaku iyo ndi Dada.”

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

ŴaEfeso 1:17

kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo,

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Luka 18:31

Ndipo pakujitole chumi ndi ŵaŵi wo, wanguti kwaku wo, “Awonani tikwere ku Yerusalemu, ndipo vyose vyakulembeka ndi ŵamchimi vifiskikiyenge ku Mwana wa munthu.

Luka 1:70

(nge ndimo wangukambiya ndi mlomo wa ŵamchimi ŵake wakupaturika kutuwa ku muyaya)

Marko 1:2

Uli ndimo kwalembeke mwaku Yesaya mchimi yo, “Awona, ine ndituma thenga langu paurongo pa chisku chako. Lo likakongorenga nthowa yako;

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

Machitidu gha Ŵakutumika 13:40

Viyo cheŵani, vinu chingaziya paku imwe cho chingukambika mu ŵamchimi wo:

ŴaFilipi 3:15

Viyo tose pakuŵa ndi vinjeru tighanaghane chenichi; ndipo asani mughanaghana kamwenga, Chiuta wakavumbuliyenge ko kwaku imwe.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.