Yohane 6:37 - Tonga Bible 1986

³⁷ Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Yohane 6:37 Referans Kwoze

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Yohane 6:39

Ndipo ili ndi khumbo la wakundituma yo kuti mwaku wose ŵeniwo wandipaska ndingatayapo cha yumoza, kweni kuti ndimyuske pa zuŵa lakumariya.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 17:6

“Zina linu ndalivumbuwa ku ŵanthu wo mwandipaska; ndipo ŵasunga mazu ghinu.

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

1 Timote 1:16

ndikweni pa chifukwa chaku chenichi ndinguchitikiya lisungu, alinga kuti mwaku ine ndachiŵinda Yesu Kristu waurongole unkhunthiya wake uzirima, uli nchandiru cha ŵakukhasa kuvwaniya mwaku iyo ku umoyo wamuyaya.

Yesaya 42:3

dete lakusweka kuti wakafyonga cha, ndi chisunda chakukole kazimuzimu kuti wakazimwanga cha; mwaku gomekezgeka wakarongonga cheruzgu chirunji.

Yohane 6:65

Ndipo watinge, “Chifukwa chenichi ndakuneniyani, kuti waziŵa yumoza kuza kwaku ine cha kwambura kuti kwapaskika kwaku iyo ndi Dada.”

Yesaya 41:9

iwe ndingukuto ku vigoti vya charu chapasi kukudana ku visongo vyake vya kunthazi limu, po ndinguti kwaku iwe, “Ndiwe muŵanda wangu, ndakusankha ndipo ndilivi kukutaya kuwa”;

ŴaRoma 5:20

Ndipo chilangulu chingusere kurwandi, kuti kuzare kulakwa; kweni po ulakwi unguzara, wezi wo ungufurwiyapo:

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Sumu 102:17

Akavwanga ŵanthu ŵawo ŵakupatika, ndipo akategherezganga ku rombu lawo.

ŴaFilipi 1:29

Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 9:34

Wangumwamuka, “Iwe ungupapika mu vilakwa kosekose, ndipo kumbi usambizga ifwe?” Ndipo ŵangumdikiya kubwaro.