Yohane 6:31 - Tonga Bible 1986

³¹ Auskefwe ŵangurgha mana lo mu bozwa; nge ndimo kwalembeke, ‘Wanguŵapaska kurgha chiŵande chakutuwa kuchanya.’ ”

Yohane 6:31 Referans Kwoze

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Sumu 105:40

Ŵangufumba, anguŵapaska tumbuŵi, anguŵapaska kurgha kutuwa kuchanya, kuŵagutiska.

Yohane 6:49

Auskemwe ŵangurgha mana mu bozwa, ndipo ŵakufwa.

Chituwa 16:35

Ndipo ŵaYisraele ŵangurgha mana virimika machumi ghanayi, mpaka penipo ŵanguza ku charu cha chikhazi; ŵarghanga mana, mpaka penipo ŵanguza ku mphaka za charu cha Kanani.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

1 ŴaKorinte 10:3

ndipo wose ŵangurgha chakurgha cha Mzimu waku Chiuta unguŵapaska;

Yohane 6:58

Chenichi nchiŵande chakusoromoka kuchanya: kuti chenge nchiŵande cho ŵangurgha auskemwe ndipo ŵakufwa cha; yose wakurgha chiŵande ichi wajaririyenge wamoyo muyaya.”

Yoswa 5:12

Mana ghangureka ndi mlenji, penipo ŵangurgha vipasi vya charu cho; ndipo ŵaYisraele kuti ŵanguŵa so ndi mana cha, kweni mu chirimika chiya ŵangurgha vipasi vya charu cha Kanani.

Yohane 6:32

Wanguŵanene Yesu, “Nadidi ndikuneneskiyani, kuti ndi Mosese yo wangukupaskani chiŵande cho chakutuwa kuchanya cha; kweni Ada ndiwo atukupaskani chiŵande chenecho chakutuwa kuchanya.