Yohane 6:30 - Tonga Bible 1986

³⁰ Viyo ŵangumnene, “Na, muchita chisimisimi chakutinji, alinga tiwone, ndi tivwaniye mwinu? Mutata mlimu uli?

Yohane 6:30 Referans Kwoze

Yohane 12:37

Kweni chingana wanguchita visimikizgu vyenivinandi viyo paurongo paku wo, kuti wanguvwana mwake cha;

1 ŴaKorinte 1:22

Pakuti ŵaYuda ŵafumbiriya visimikizgu, ŵaGriki ŵapenja zeru,

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 6:36

Kweni ndakuneniyani, kuti chingana mwandiwona, kuti muvwana cha.

Yohane 2:18

Viyo ŵaYuda ŵangumwamuka ŵangumunene, “Utirongo chisimikizgu nichi, po uchita vyenivi?”

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

Machitidu gha Ŵakutumika 4:30

muchitambasuwa janja linu kwachichizga; ndi kuti visimikizgu ndi vyaminthondwi vichitikiye mu zina la Muŵanda winu Wakupaturika, Yesu.”

Marko 15:32

Kristu yo, Karonga waku Yisraele, wasike sono ku mphinjika yo, alinga tiwone ndi tivwane.” Ndipo wo ŵangupayikika pamoza nayo nawo ŵamuweranga.

Marko 8:11

Ndipo ŵanguza ŵaFarisi, wangwamba kufumbana nayo, ŵakulembe kwaku iyo chisimikizgu chakutuwiya kuchanya, pakumwesa.

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

1 ŴaKaronga 13:5

Chiguŵa cha sembe nacho chingubwangandukiya pasi, ndipo choto chingudika kutuwa ku chiguŵa cha sembe, kuyana ndi chiziŵisku cho munthu waku Chiuta wangupereka pa mazu gha Ambuya.

1 ŴaKaronga 13:3

Ndipo wangupereka chiziŵisku zuŵa lenilo wakuti, “Ichi nchiziŵisku cho Ambuya akamba, ‘Ehe, chiguŵa cha sembe chikapasukiyanga pasi, ndipo choto cho che pachanya po chikadikanga.’ ”

Chituwa 4:8

“Asani kuti ŵamuvwana nawe cha,” wanguti Chiuta, “pamwenga kureka kutegherezga ku chisimikizgu chakudanga, akhumba ŵamuvwana ndi chisimikizgu cha pavuli.

Yohane 4:8

Chifukwa ŵasambizi ŵake ŵangurutiriya mu msumba wo, kwachigula vyaukurgha.

Chituwa 7:9

“Farao wachamkamba namwe kuti, ‘Rongoni minthondwi mwakuti ndimugomezgeni sono,’ wangukuti kwaku Aroni. ‘To ndodo yako ndi uyipong'e pasi paurongo paku Farao, kuti yisanduke njoka.’ ”

Yohane 6:2

Ndipo wamrondonga mzinda ukuru, pakuti wawonanga visimisimi vyo wachitiyanga pa warwali.

Yohane 6:14

Viyo ŵachiwona wo ŵanthu chisimisimi cho wanguchita, ŵatinge, “Nadidi, mwenuyu ndi mchimi yo watuza mu charu.”