Yohane 5:36 - Tonga Bible 1986

³⁶ Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Yohane 5:36 Referans Kwoze

Yohane 10:25

Yesu wanguŵamuka, “Ndakuneniyani, ndipo kuti muvwana cha; nchitu zo ndichita ine mu zina la Ada, zenizo zitindisimikizgiya;

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 2:23

Ndipo penipo wenga mu Yerusalemu pa phaska, ŵanandi ŵanguvwana mu zina lake, ŵachithoŵa visimikizgu vyo wachitanga.

1 Yohane 5:9

Asani tironde chisimisimi cha ŵanthu, chisimisimi chaku Chiuta nchikuruku: pakuti chisimisimi chaku Chiuta nchenichi, chakuti wasimikizga vyapa Mwana wake.

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Mateyu 11:4

Ndipo yesu wangwamuka ndi wanguŵanene, “Kaninga kamtauliyeni Yohane vyo mutuvwa ndi muwona;

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Yohane 5:32

Kwe munyake yo ngwakusimikizgiya paku ine; ndipo ndiziŵa kuti chisimisimi cho watindisimikizgiya nchakuneneska.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Yohane 17:4

Ine ndarongo unkhankhu winu panupasi; mwakuti ndafiska nchitu yo mungundipaska kwachichita.

Yohane 11:37

Kweni ŵanyake ŵaku wo ŵatinge, “Kumbi munthu uyu, yo wangubanuwa maso gha wachiburumutiya yuwa, kuti watinge wachichitenge cha kuti Lazaro wareke kufwa?”

Luka 2:49

Ndipo wanguŵanene, “Mwandipenjiyanganji? Asi mwaziŵanga kuti kutenere ine kuŵa mwaku vyo vya Ada?”