Yohane 5:24 - Tonga Bible 1986

²⁴ Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 5:24 Referans Kwoze

Yohane 3:36

Yo ngwakuvwana mu Mwana we nawo umoyo wamuyaya; kweni yo wareka kuvwana mu Mwana, kuti wamwona umoyo cha, kweni kandundu kaku Chiuta kajaririya paku iyo.

Yohane 3:18

Wakuvwana mwaku iyo kuti wateruzgika cha, wakureka kuvwana weruzgika kali, chifukwa walive kuvwana mu zina la Mwana wakuwayija waku Chiuta.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

Yohane 6:47

Nadidi ndikuneneskiyani, Wakuvwana we ndi umoyo wamuyaya.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yohane 11:26

ndipo yose wamoyo ndi wakuvwana mwaku ine kuti wakafwanga cha muyaya. Kumbi uvwana mwaku ichi?”

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 8:51

Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.”

1 ŴaTesalonika 5:9

Pakuti Chiuta walive kutiteme ku kandundu, kweni kwachironde chipozomosku mu Ambuya Yesu Kristu,

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.

Marko 16:16

Yo wavwana ndi wabatizika wataskikenga; kweni yo wareka kuvwana wasuskikenge.

1 Yohane 3:14

Tiziŵa ifwe kuti tatuwako ku nyifwa kuyiyamo mu umoyo, pakuti titanja ŵabali wo. Yo wareka kwanja, wajaririya mu nyifwa.

Yohane 12:44

Viyo Yesu wangukambura, wanguti, “Wakuvwana mwaku ine, kuti wavwana mwaku ine cha, kweni mu Wakundituma.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Yohane 4:36

Wakuvuna waronde mphotu, ndipo waronga mbutu ku umoyo wamuyaya; alinga kuti wakumija ndi wakuvuna ŵakondwere pamoza.

Yohane 6:50

Ichi nchiŵande chakusoromoka kuchanya, kuti munthu warghepo ndi wareke kufwa.

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Yohane 6:58

Chenichi nchiŵande chakusoromoka kuchanya: kuti chenge nchiŵande cho ŵangurgha auskemwe ndipo ŵakufwa cha; yose wakurgha chiŵande ichi wajaririyenge wamoyo muyaya.”