Yohane 5:14 - Tonga Bible 1986

¹⁴ Pavuli Yesu wangumsaniya mu kasopi, ndipo wangumnene, “Awona, wachizgika: ungalakwanga so cha, vinu chinthu chiheni ku chingakuwiya.”

Yohane 5:14 Referans Kwoze

Yohane 8:11

Iyo wanguti, “Kwengavi, Ambuya,” ndipo Yesu wanguti, “Chingana ndine kuti ndikususka cha. Rutanga, kweni ungalakwa so cha.”]

Sumu 118:18

Ambuya andilanga ukongwa, kweni kuti andipereka ku nyifwa cha.

Nehemiya 9:28

kweni pavuli ŵanguti ŵapumuwa ŵangulakwa so paurongo pinu, ndipo imwe munguŵajowole mu janja la ŵakupindikana ŵawo, viyo kuti ŵenga ndi mtufu paku wo; kweni penipo ŵangung'anamuka ndi ŵanguliriya kwaku imwe munguŵavwa ko kuchanya, ndipo nyengo zinandi munguŵapozomoska kwakuyana ndi malisungu ghinu.

Mateyu 12:45

Sono uruta ndi utole pamoza nawo mizimu yinkhonde ndi yiŵi yinyake yiheni ku kwakuruska iwo, ndipo yiseremo yijaririya mwenimo: ndipo vyaumari vya munthu yuwa vituŵa viheniku ku vyakudanga vyo. Viyo ndimu so kuŵiyenge ku mgonezi uheni uwu.”

ŴaLevi 26:27

“Ndipo asani kuti mukandivwiyanga cha pavuli pakuwona vyose ivi, kweni mukayendanga kwakupambana nane,

Marko 2:5

Ndipo Yesu, wachiwona chivwanu chawo, watiti ku wavinjenje yo, “Wamwana, vyarekeka vilakwa vyako.”

Yesaya 38:20

Ambuya akanditaskanga, ndipo tikambanga pa vyamalisinga mazuŵa ghose gha umoyo widu, pa nyumba ya Ambuya.

Sumu 27:6

Ndipo sono mutu wangu ukasoskeki yanga pachanya pa ŵarwani ŵangu ŵakundizunguliya; ndipo muhema lawo ndiperekenge sembe mwakukambura ndi likondwa. Ndimbenge ndipo ndikoŵeriyenge Ambuya.

Yohane 5:5

Ndipo wengako munthu yumoza, wakuŵa ndi urwali wake virimika machumi ghatatu pachanya vinkhonde ndi vitatu (38).

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

Sumu 9:13

Ndichitiyeni wezi, A Chiuta! A wonanimo ŵatindisuzgiya ŵakunditinkha, imwe mutindiyuskamo mu malikomo gha nyifwa,

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

ŴaLevi 7:12

Asani wapereke chifukwa chakuwonga, tumakeke twambura mtupu twakupakika ndi mafuta, ndi tumakeke twa ufwa wamampha wakusazgika ukongwa ndi mafuta.

Yesaya 38:22

Hezekiya wangukamba so kuti, “Chisimikizgu nchine chakurongo kuti ndikakweriyanga ku nyumba ya Ambuya?”

Yohane 5:13

Kweni wakuchizgika wengavi kuziŵa kuti wenga yani munthu yo, chifukwa Yesu wangunyeremuka, pakuŵapo mzinda penipo.

ŴaLevi 13:20

Mzukuru wakapimanga, asani wawona kuti chitufya chasere mukat mu khungu ndipo cheya chasanduka chituŵa, mzukura wakatamulizganga kuti ngwakunguzgika; ndi nthenda ya makhate, yafwatapukiya mu chitufya.

Sumu 18:22

Pakuti vyeruzgu vyake vyose vyenga paurongo pangu, ndipo kuti ndataya vilangulu vyake cha.