Yohane 4:7 - Tonga Bible 1986

⁷ Wanguza munthukazi muSamaria kuzachinegha maji. Yesu wamnene, “Ndipaskeko ndimwe.”

Yohane 4:7 Referans Kwoze

Mateyu 10:42

Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”

1 ŴaKaronga 17:10

Viyo wangusoka ndi wanguruta ku Zarefata, ndipo penipo wanguza pa likomo la msumba, choko chenga penipa chakudeŵa nkhuni, ndipo wangudanirizga kwaku cho, wanguti, “Ndipaske maji ghamanavi mu chiyaŵi, ndimwe.”

Chiyambo 24:43

awonani, ndama pafupi ndi chisima cha maji; chitani kuti mwali yo wakazanga kuzachinegha kwaku yo ndikakambanga, “Ndipempha undipaske maji ghamanavi ndimwe,”

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 19:28

Pavuli paku cho Yesu, pakuziwa kuti sono vyafiskika vyose mwakuti lifiskike lembo lo, watiti, “Nde ndi nyota.”

Chiyambo 24:17

Sono muŵanda yo wanguchimbiya kwachikumana nayo, ndi wanguti, “Ndipaskeko maji ghamanavi ndimwe mu musuku wako.”

Yohane 4:6

ndipo chengapo penipa chisima chaku Yakobe. Viyo Yesu, wati wazotopa ndi rwendo, wanguja pasi pa chisima cho. Ora lenga akhumba lachinkhonde ndi chimoza.

Yohane 4:8

Chifukwa ŵasambizi ŵake ŵangurutiriya mu msumba wo, kwachigula vyaukurgha.