Yohane 4:48 - Tonga Bible 1986

⁴⁸ Viyo Yesu wanguti kwaku iyo, “Kwambura kuti mungawona visimisimi ndi minthondwi kuti muvwanenga cha.”

Yohane 4:48 Referans Kwoze

Yohane 20:29

Yesu wanena nayo, “Kumbi wavwana, chifukwa wandiwona? Mbamwaŵi wo ŵavwana wenga wandandiwone.”

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.

1 ŴaKorinte 1:22

Pakuti ŵaYuda ŵafumbiriya visimikizgu, ŵaGriki ŵapenja zeru,

Danyele 4:2

Kwaŵa kwamampha kwaku ine kurongo visimikizgu ndi vyakuziziswa vyo Chiuta wapachanya limu wandichitiya.

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Yohane 12:37

Kweni chingana wanguchita visimikizgu vyenivinandi viyo paurongo paku wo, kuti wanguvwana mwake cha;

2 ŴaKorinte 12:12

Nadidi visimisimi vya utumiki vingutatalikiya mwinu mu unkhunthiya wose, mu visimikizgu ndi so minthondwi ndi nchitu zanthazi.

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

Machitidu gha Ŵakutumika 14:3

Ndipo viyo ŵanguswapo nyengo yitali, ŵakukamba kwachiganga vya Mbuya, mweniyo ŵangusimikizga mazu gha wezi wake, ndipo ŵangupaska visimikizgu ndi minthondwi kwachichitika ndi manja ghawo.

Marko 13:22

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Machitidu gha Ŵakutumika 2:43

Ndipo wofi unguwiya pa mzimu wose; ndipo virwita ndi visimikizgu vinandi vinguchitika ndi ŵakutumika wo.

Yohane 2:18

Viyo ŵaYuda ŵangumwamuka ŵangumunene, “Utirongo chisimikizgu nichi, po uchita vyenivi?”

Luka 16:31

Kweni wangumunene, ‘Asani ŵareka kuvwiya Mosese ndi ŵamchimi wo, kuti ŵakopekenge cha, chingana wangayuka yumoza waku ŵakufwa.’”

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

2 ŴaTesalonika 2:9

Uzi waku chikana marangu yo mu kachitidu kaku Satana wakaŵanga ndi nthazi yose ndi visimikizgu ndi minthondwi yitesi,

Machitidu gha Ŵakutumika 15:12

Ndipo mzinda wo wose unguja chisisi; ndipo ŵategherezganga kwaku Barnaba ndi Paulo ŵachikonkhoma vyose visimikizgu ndi virwita vyo Chiuta wanguchitiya iwo mu ŵaMitundu.

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Machitidu gha Ŵakutumika 6:8

Kweni Stefano, wakuzara wezi ndi nthazi, wachitanga minthondwi ndi visimikizgu vikuru mu khamu lo.

Machitidu gha Ŵakutumika 5:12

Kweni ndi manja gha ŵakutumika wo visimikizgu ndi virwitu vinandi vyachitikanga mu khamu lo: ndipo ndi mtima umoza wose ŵaungananga mu khondi laku Solomoni.

Machitidu gha Ŵakutumika 4:30

muchitambasuwa janja linu kwachichizga; ndi kuti visimikizgu ndi vyaminthondwi vichitikiye mu zina la Muŵanda winu Wakupaturika, Yesu.”

Machitidu gha Ŵakutumika 2:19

Ndipo nkhapaskanga virwita mumachanya kuchanya, ndi visimikizgu pa charu cha pasi; ndopa, ndi moto, ndi mvuchi wa usi:

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

Mateyu 27:42

“Wangutaska ŵanyake; walive nthazi kujitaska yija. Ndiyo karonga waku Yisraele! Wasike sono ku mphinjika yo, ndipo tivwanenge mwake.

Mateyu 16:1

Ndipo ŵanguza ŵaFarisi ndi ŵaSaduki, ndipo pakumwesa ŵangufumba kuŵarongo chisimikizgu chakutuwa kuchanya.

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Yohane 4:49

Nduna yo yinguti kwaku iyo, “Ambuya, sikani kenga kandafwe kana kangu.”