Yohane 4:10 - Tonga Bible 1986

¹⁰ Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 4:10 Referans Kwoze

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

ŴaRoma 8:32

Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?

1 ŴaKorinte 10:4

ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.

Yesaya 12:3

Mukaneghanga maji ndi likondwa kutuwa mu visima vya utaski.

Yohane 6:35

Wanguŵanene Yesu, “Ine ndine Chiŵande cho cha umoyo yo watuza kwaku ine kuti waŵenge wanja cha, ndipo wakuvwana mwaku ine kuti waŵenge so wanyota cha muyaya.

Yesaya 49:10

kuti ŵakavwanga nja chingana ndi nyota cha, mphepo yakocha pamwenga lumwi kuti vikaŵapwetakanga cha, pakuti yo wendi chitima paku iwo wakaŵarongozganga, ndipo mu visima vya maji wakaŵarongozganga.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Yesaya 43:20

Nyama za mudondo zikanditumbikanga, ŵakambwe ndi makungundembo; pakuti ndipaska maji mubozwa, misinji mu charu chachiparamba, kupaska kumwa ku ŵanthu ŵangu ŵakusankhika,

Yesaya 35:6

ŵakupunduka ŵakaurukanga, uli ndi mphoyo, lilime la wambuwu likambanga ndi likondwa. Pakuti maji ghakatuwanga mu bozwa, ndi tumisinji mu charu cha chiparamba;

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Chituwa 17:6

Ehe, ine ndikamanga paurongo pako penipa pa jarawi lapa Horebe, ndipo iwe ukapumanga jarawi lo, ndipo maji ghakatuwanga mwaku lo, alinga kuti ŵamwenge ŵanthu.” Ndipo wanguchita viyo, ŵachiwonako ŵaraŵara ŵa ŵaYisraele.

2 ŴaKorinte 9:15

Wawongeke Chiuta chifukwa cha chawezi chake chambura makambika!

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Yesaya 42:6

“Ndine Ambuya, ndakudaniya mu urunji, ndakuto ndi janja, ndakusunga,” ndakupaska uli ndi phanganu ku ŵanthu, lumbuni ku mitundu,

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Machitidu gha Ŵakutumika 9:11

Ndipo Ambuya angumunene, “Sokanga, rutanga pa kamseu kakuzumbulika ‘Kakunyoroka,’ ndipo ufumbiriye ku nyumba yaku Yuda, pa yumoza, zina lake Saulo, waku Tarso: chifukwa awona, waromba,

Sumu 10:17

Ambuya, imwe mukavwanga khumbo la ŵakuzika; mukakhozganga mitima yawo, mutegherezgenge gutu linu,

Sumu ya Zisumu 4:15

Chisima cha mu munda, chiziŵi cha maji gha umoyo, ndi misinji ya kwenda kutuliya ku Lebanoni.

ŴaHebere 6:4

Chifukwa kuchiri kwaku ŵeniwo ŵangweruskika kali, ndi ŵangulaŵa mpasku wakuchanya, ndipo ŵangusangana mu Mzimu Wakupaturika,

Ezekiele 16:35

“Viyo sono, wa mureŵi we, ayivwa mazu gha Ambuya: