Yohane 3:3 - Tonga Bible 1986

³ Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:3 Referans Kwoze

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

1 Yohane 3:9

Munthu yose yo wapapika kwaku Chiuta kuti wachita chilakwa cha, pakuti mbeu yake yijaririya mwaku iyo: ndipo kuti waziŵa kulakwa cha, pakuti wapapika kwaku Chiuta.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

Yohane 1:13

wo ŵangupapika, ku kaŵiro ka kunthu cha pamwenga ko khumbo la munthu, kweni kwaku Chiuta.

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

ŴaGalatia 6:15

Chifukwa chingana ndi mchinju kuti nkhanthu cha, chingana nkhuwura-mchinju, kweni chilengeka chifya.

1 Yohane 5:18

Tiziŵa kuti yose yo ngwakupapika kwaku Chiuta kuti warutiliya mu kulakwa cha, chifukwa Mwana yo waku Chiuta watimsunga ndipo mheni yo kuti wamkwaska cha.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

ŴaEfeso 2:1

Imwe namwe mwenga ŵakufwa mu mamphuru ndi maulakwi,

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

Yohane 1:5

Kungweruka ko kuŵala mu mdima; ndipo mdima wo wengavi nthazi kujara kungweruka ko.

Marangu 29:4

kweni mpaka msana wale Ambuya alivi kumpaskani muwongo wakuwamo, pamwenga maso ghakuwona, pamwenga makutu ghakuvwa.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yohane 1:51

Ndipo wangumnene, “Nadidi, ndikuneneskiyani, muwonenge kuchanyakujurika, ndi ŵangelo ŵaku Chiuta ŵakwera ndi kusikiya pa Mwana wa munthu.”

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Ezekiele 36:26

Ndikupaskeninga mtima ufya, ndipo mzimu ufya ndiŵikenge mukati mwinu, ndituzgenge muliŵavu linu mtima wa mwa ndikumupaskani mtima wamnofu.

Mateyu 19:24

Ndipo so ndinene imwe, nkhuyuyu ku gamila kuporota mu mphowozi ya zingani, kwakuruska ku msambasi kusere mu ufumu waku Chiuta.”

Mateyu 21:31

Mwaku wo ŵaŵi njani wanguchita khumbu la awiske?” Watiti, “Wakudanga yo.” Yesu wanguŵanene, “Nadidi ndikuneniyani kuti ŵamsonkhu ndi ŵanthukazi ŵareŵi ŵakudanjiriyeninge mu ufumu waku Chiuta.

Marko 9:47

Ndipo asani jiso lako lingakuguŵiska likorowo; nkhwamampha kusere iwe wa jiso limoza mu ufumu waku Chiuta, kwakuruska, kuŵa ndi maso ghaŵi, kupong'eka mu Gehena;

Marko 10:14

Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Yohane 3:4

Wamnene Nikodemo, “Wangaziŵa uli munthu kupapika po we khongwe? Kumbi waziŵa kusere kachiŵi mu nthumbo ya anyina, ndi kupapika?”

1 Yohane 5:4

Pakuti chose cho chapapika kwaku Chiuta chipunda charu: ndipo wenuwu mbupundi wo wapunda charu, chivwanu chidu cho.