Yohane 3:2 - Tonga Bible 1986

² Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 3:2 Referans Kwoze

Yohane 5:36

Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Yohane 9:16

Viyo ŵanyake ŵamu ŵaFarisi wo ŵanenanga, “Munthu mweniyo kuti ngwakwaku Chiuta cha, pakuti wareka kusunga sabata.” Kweni ŵanyake ŵanguti, “Waziŵa uli munthu mulakwi kuchita visimikizgu vyaviyo?” Ndipo kwenga gaukanu mwaku wo.

Yohane 12:37

Kweni chingana wanguchita visimikizgu vyenivinandi viyo paurongo paku wo, kuti wanguvwana mwake cha;

Yohane 1:38

Ndipo Yesu, wati wang'anamuka, ndi kuŵawona ŵakumrondo, watiti kwaku wo, “Mulembenji?” Iwo ŵangumnene, “Rabi” (cho chititi pakung'anamuka, Msambizgi), “muja pani?”

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Yohane 7:31

Kweni ŵanandi ŵamu mzinda wo wanguvwana mwake, ndipo watinge, “Penipo wazenge Kristu yo, kumbi wazamchita visimikizgu vinandi kwakuzungura vyo wachita mwenuyu?”

Yohane 20:16

Yesu wanena nayo, “Mariya!” Pakung'anamuka iyo wanena nayo mu chiHebere, “Raboni!” Ko nkhuti, Msambizgi.

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 3:26

Ndipo wanguza kwaku Yohane, wangumnene, “Msambizgi, munthu yo wenga nawe sirgha liya Yordane, kwaku yo iwe wapanikizganga, awona, wabatiza, ndipo wose wamotoke kwaku iyo.”

Marko 12:14

Ndipo ŵanguti ŵaza ŵanguti, “Msambizigi, tiziŵa kuti ndimwe muneneska, ndi kuti muphwere yumoza cha: chifukwa kuti mulereska chisku cha ŵanthu cha, kweni kwakuneneksa musambizga nthowa yaku Chiuta: kumbi kuyamu kupaska msonkhu kwa Kaisare, pamwenge awa?

Ŵeruzgi 6:27

Viyo Gideoni wanguto ŵanthu chumi ŵa ŵateŵeti ŵake, ndipo wanguchita uli ndimo Ambuya angumpangizgiya; kweni chifukwa chakopa ukongwa mbumba yake ndi ŵanthu ŵamu msumba kuchichita ichi ndi msana, wanguchichita ndi usiku.

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

ŴaFilipi 1:14

ndipo urapasi wa ŵabali ŵakugomekezga mu Mbuya pa chifukwa cha magoŵa ghangu ŵasoke kali muchanya kukamba mazu ghaku Chiuta kwambura wofe.

1 ŴaKaronga 17:24

Ndipo munthukazi yo wanguti kwaku Eliya, “Sono ndiziŵa kuti ndiwe munthu waku Chiuta, ndi kuti mazu gha Ambuya mu mlomo wako nga uneneska.”

Yeremiya 38:16

Karonga Zedekiya wangurapa ku ubende kwaku Yeremiya, “Achiŵa amoyo Ambuya, wo ŵangulenga maumoyo ghidu, kuti ndikakubayanga cha pamwenga kukupereka mu janja laku yaŵa ŵanthu wo ŵapenja kukubaya.”

Mateyu 23:7

ndi matauzgo mu maluluwa gha maronda, ndi kutamulika ndi ŵanthu, Rabi.

Mateyu 23:8

Kweni imwe mungatamulika Rabi cha: chifukwa yumoza ndi msambizgi winu, ndipo mose imwe mwe ŵabali.

Yohane 2:11

Ichi nchiyambo cha visimikizgu vyo wanguchita Yesu mu Kana wa Galile, wangurongo unkhankhu wake; ndipo ŵasambizi ŵake ŵanguvwana mwaku iyo.

Yohane 4:31

Penipo ndipo ŵasambizi ŵake ŵamuŵeyerenga, ŵakuti, “Msambizgi rghani.”

Yohane 6:2

Ndipo wamrondonga mzinda ukuru, pakuti wawonanga visimisimi vyo wachitiyanga pa warwali.

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 14:10

Asi uvwana kuti ine nde mu Dada, ndi kuti Dada we mwaku ine? Mazu gho nditukukambiyani kuti ndirongoro ghakutuwa kwaku ndamweni cha; kweni Dada wakujaririya mwangu watata nchitu zake.