Yohane 3:13 - Tonga Bible 1986

¹³ Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Yohane 3:13 Referans Kwoze

Nthanthi 30:4

Njani wangukwere kuchanya ndi kusikiya pasi? Njani wakufumbatiya mphepo mu janja lake? Njani wakuvungiya maji mu chivwaru chake? Njani wakujarika vigoti vyose vya charu chapasi? Zina lake njani ndipo zina la mwana wake njani? Kwakuneneska muziŵa!

Yohane 6:38

Pakuti ndasika kuchanya kuti ndilichite khumbo langu cha, kweni khumbo la wakundituma yo.

Machitidu gha Ŵakutumika 2:34

Chifukwa kuti Davidi wangukweriyako kuchanya cha: kweni iyo mweneko watiti, ‘Ambuya angumnene Mbuya wangu, Janiku ku marghe ghangu,

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

1 ŴaKorinte 15:47

Munthu yo wakudanga ngwa pasi, ngwadongu: munthu yo wachiŵi ngwa kuchanya.

Yohane 13:3

Yesu, wanguziŵa kuti Dada wapaska vyose mu manja mwake. Wanguziŵa kuti watuwa kwaku Chiuta, ndi kwaku Chiuta warutenge.

ŴaRoma 10:6

Kweni urunji wamu chivwanu ukamba viyo, Unganenanga cha mu mtima wako, “Njani wakweriyengeko kuchanya?” (ndiku, kusiska Kristu);

Yohane 6:62

Na uli asani mungawona Mwana wa munthu kukwere kweniko wenga kali?

Yohane 3:31

Yo ngwakutuwa kuchanya we pachanya paku wose; yo ngwa panupasi ngwapanupasi, ndipo warongoro vyapanupasi; yo ngwakutuwa kuchanya we pachanya paku wose.

Yohane 6:46

Kuti yumoza wamwona Dada cha, kweni yo ngwakutuwa ku Dada, ndiyo wamwona Dada.

Yohane 6:42

Ŵanenanga, “Asi uyu ndi Yesu, mwana waku Yosefe, awiske ndi anyina ŵaku mweniyo ifwe tituŵaziŵa? Wakamba uli sono, ‘Ndasika kuchanya?’ ”

Marangu 30:12

Kuti le kuchanya cha, kuti mungakamba, ‘Njani wakatirutiyanga kuchanya, kwachititole lo kwaku ifwe, alinga kuti tilivwe ndi kulichita?’

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 8:42

Yesu wanguŵanene, “Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo.

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Yohane 6:33

Chifukwa chiŵande chaku Chiuta nchenicho chasika kuchanya, ndi kupaska umoyo ku charu.”

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

ŴaEfeso 1:23

ndilo liŵavu lake, uzali wo waku mweniyo wazaziya vyose mwaku vyose.

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Yohane 3:12

Kuti muvwana ndi ine cha po nditikuneniyane ndi vinthu vya charu ichi mungavwana nani uli nanga ndichimuneni yane ndi vinthu vyakuchanya?