Yohane 21:25 - Tonga Bible 1986

²⁵ Kweni kwe vinyake vinandi so vyo Yesu wanguchita, vyenivyo asani vingulembeka chimoza-chimoza, ndighanaghana kuti chingana ndi charu icho kuti chatinge chiziŵe cha kufungiya mabuke gho ghatinge ghalembekenge.

Yohane 21:25 Referans Kwoze

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.

Sumu 71:15

Ndikambenge vya urunji winu, zuŵa lose nditaulenge vya chipozomoske chinu; inya, nanga vizitu kwakuruska kuwamo kwangu.

Jobu 26:14

Wonani, ivi ndi vigaŵa vimanavimana, vya nthowa zake; ndipo ehe, vyo tituvwa vimana ukongwa! Kweni kugunda kwa nthazi zake ndiyani wangawamo?”

ŴaHebere 11:32

Chifukwa nyengo yindipereŵiyenge kukonkhoma vyaku Gideoni ndi Baraki, ndi Samsoni, ndi Jefta, ndi Davidi ndi Samuele ndi ŵamchimi wo.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Wakutaula 12:12

Mwana wangu, uchenje ndi kanthu ke kose kakuruska ivi, kulemba mabuku ghanandi kuti kumarenge cha, ndipo kusambira ukongwa nkhujivukiska liŵavu.

Amosi 7:10

Penipo Amaziya mzukuru mura waku Betele wangutuma kwaku Yeroboamu, karonga waku Yisraele; kuti, “Amosi watukuŵemba mukati mu nyumba yaku Yisraele; charu kuti chingaziŵa kuronde mazu ghake ghose cha.

Mateyu 19:24

Ndipo so ndinene imwe, nkhuyuyu ku gamila kuporota mu mphowozi ya zingani, kwakuruska ku msambasi kusere mu ufumu waku Chiuta.”

Marko 5:16

Ndipo wo ŵengapo ŵanguŵakonkhome mo kungumuŵiya wademone yo, ndi vyapa nguruŵi zo.