Yohane 21:22 - Tonga Bible 1986

²² Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”

Yohane 21:22 Referans Kwoze

Marko 9:1

Ndipo wanguti kwaku wo, “Nadidi ndikuneniyani, Alipo ŵanyake ŵaku wo ŵatuma panu wo kuti ŵakesanga nyifwa cha, mpaka po ŵawona ufumu waku Chiuta uchiza ndi nthazi.”

Chivumbuzi 2:25

Mbwenu, cho mwenacho, koreskani mpaka ndizenge.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

1 ŴaKorinte 11:26

Chifukwa penipo pose muturgha chiŵande chenichi, ndi mutumwa nkhombo yeniyi, mutaula nyifwa ya Ambuya mpaka wazenge.

Yohane 21:19

(Ndipo ichi wangunena, pakusimikizga ndi nyifwa yo Petro wakafwanga ndi kutore unkhankhu kwaku Chiuta.) Ndipo wati wakamba chenichi, wangumnene, “Rondo ine.”

Mateyu 24:44

Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

Chivumbuzi 22:7

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Mateyu 24:27

Chifukwa uli ndimo limphezi limwetukiya ku utuli wa dazi, ndipo liwoneka mpaka kuuserere; viyo ndimu uŵiyenge uzi wa Mwana wa munthu.

Mateyu 24:3

Ndipo wachija pasi pa phiri la Olivete, ŵanguza kwake wasambizi wo kuubende, ŵakuti, “Tineniyeni, viŵengepo vyenivyo zuŵanji? Ndipo chiŵenge chine chisimikizgu cha uzi winu, ndi cha umari wa mgonezi wo?”

Mateyu 8:22

Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Yohane 21:21

Viyo Petro wachimuwona wangunena ndi Yesu, “Ambuya, na mwenuyu?”

1 ŴaTesalonika 2:19

Chifukwa nchine chigomekezgu chidu, pamwenga chimwemwe, pamwenga chifuku cha chitumbwa paurongo pa Ambuya Yesu pa uzi wake? Asi ndimwe na?

Yakobe 5:8

Namwe so kunthiyanipo; khozgani mitima yinu: pakuti uzi wo wa Ambuya waŵandika.