Yohane 21:15 - Tonga Bible 1986

¹⁵ Viyo ŵati ŵargha, Yesu wangunena ndi Simoni Petro, “Simoni, mwana waku Yohane, kumbi utindanja kwakuruska ŵenaŵa?” Wangumuka, “Inya Ambuya, imwe muziŵa kuti nditanja imwe”; wamnene, “Liska ŵanamberere ŵangu.”

Yohane 21:15 Referans Kwoze

ŴaRoma 15:1

Kweni ifwe taŵanthazi titenere kupinga maunthomboru gha ŵamburanthazi, ndi kujikondweska taŵeni cha.

1 Yohane 4:19

Ifwe titanja, pakuti iyo danga wangwanja ifwe.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

ŴaEfeso 6:24

Wezi uŵiye wose ŵakuŵanja Ambuyafwe Yesu Kristu mu chanju chambura kumara.

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Yeremiya 3:15

“ ‘Ndipo ndikakupaskaninga ŵaliska ŵakundivwiya, ŵeniwo ŵakakuliskaninga mwa zeru ndi kuwamo.

Ezekiele 34:23

Ndikamikanga pachanya pawo mliska yumoza, mteŵeti wangu Davidi, ndipo wakaziliskanga: wakaziliskanga ndi kuŵa mliska wawo.

1 Petro 2:25

Chifukwa mwenga nge ndi mberere zakuranda; kweni sono mwanyongoke ku Mliska yo ndi Mlereze wa mauzima ghinu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

ŴaRoma 14:1

Yo ngwakutomboroka mu chivwanu mrondiyeni, kweni kwachisuskana pa makayiku ghake cha.

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Petro 2:2

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski,

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Yohane 21:12

Yesu wanena nawo, “Zani muzirauke.” Kweni pengavi yumoza wa ŵasambizi wo wangwesa kumfumba, “Ndimwe ayani?” Chifukwa ŵanguziŵa kuti mba Mbuya.

Yohane 21:7

Viyo msambizi yo Yesu wangumwanja wanguti kwaku Petro, “Mba Mbuya!” Penipo Simoni Petro wanguvwa kuti mba Mbuya, wangujichinyiya chiphemeska chake (chifukwa wenga nkhuli), ndipo wangujipong'a mu nyanja.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

1 ŴaKorinte 8:11

Ndi viyo wanangikiya pa mziŵiru wako wadomboto yo, mbali mweniyo Kristu wangufwiya.

Yohane 8:42

Yesu wanguŵanene, “Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo.

Marko 14:29

Petro wanguti kwaku iyo, “Chingana wose ŵangaguŵiskika, ine pe cha.”

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Chiyambo 33:13

Kweni Yakobe wanguti kwaku iyo, “Mbuya wangu waziŵa kuti ŵana mbakutomboloka, ndipo so ng'ombe ndi miskambu yakonkheska vyose viphwelereka ndi ine; ndipo asani vyalutilizga kwenda kwazuŵa limoza, viŵetu vyose vikafwanga.

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

2 Samuele 7:20

Ndipo kajako so nkhane ko Davidi wangarongoro kwinu? Pakuti imwe muziŵa ndi mteŵeti winu, A, Ambuya Chiuta!

Yohane 13:37

Petro wamnene, “Ambuya, chifukwa chine ndingatondeka kukurondoni sono? Ndiŵikiyenge pasi umoyo wangu chifukwa chinu.”

Yohane 1:42

Wangumtole kwaku Yesu, wati wamthoŵa Yesu wanguti, “Ndiwe Simoni, mwana waku Yohane: iwe udanikenge Kefa” (cho ching'anamuwa Petro).

Mateyu 26:35

Petro wanena nayo, “Chingana kungandenere kufwa pamoza namwe, kuti nkhakananga imwe cha.” Kwakulingana so ŵangukamba ŵasambizi wose.

Mateyu 26:33

Kweni wakwamuka Petro wangunena nayo, “Chingana wose ŵaguŵiskike mwaku imwe, ine kuti ndiguŵiskikenge cha.”

Machitidu gha Ŵakutumika 20:29

Ine ndiziŵa kuti pavuli pa chiruta changu mphumphi zakusaruka zazamseremu mwaku imwe zambura kuwulekezga mskambu wo;

Ezekiele 46:24

Ndipo wangunena nane, “Yagha ndi mavinya ndimu ŵakuteŵeta mu kasopi ŵakabikanga sembe za ŵanthu.”