Yohane 20:25 - Tonga Bible 1986

²⁵ Viyo ŵasambizi ŵanyake wangumnene, “Taŵawona Ambuya!” Kweni iyo wanguŵanene, “Kwambura kuti ndawona mu manja ghake mabamba gha mizumali yo, ndi kuweskamo munwi wangu mo mizumali yingukhomeka, ndi kuŵika janja langu mu liŵaghara lake, kuti nkhavwananga cha.”

Yohane 20:25 Referans Kwoze

Yohane 6:30

Viyo ŵangumnene, “Na, muchita chisimisimi chakutinji, alinga tiwone, ndi tivwaniye mwinu? Mutata mlimu uli?

Marko 16:11

Ndipo iwo, ŵachivwa kuti ngwamoyo, ndi wamuwoneke iyo, ŵengavi kuvwana.

ŴaHebere 3:18

Ndipo mbayani wanguŵarapiya kuti ŵangasere cha muchipumulu chake, kweni ku ŵamtafu wo?

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

Yohane 21:7

Viyo msambizi yo Yesu wangumwanja wanguti kwaku Petro, “Mba Mbuya!” Penipo Simoni Petro wanguvwa kuti mba Mbuya, wangujichinyiya chiphemeska chake (chifukwa wenga nkhuli), ndipo wangujipong'a mu nyanja.

Yohane 1:41

Mweniyo po wanguti wasaniya danga mkuwake Simoni, wangumnene, “Tamsaniya Mesiya” (cho cing'anamuwa Kristu).

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Mateyu 27:42

“Wangutaska ŵanyake; walive nthazi kujitaska yija. Ndiyo karonga waku Yisraele! Wasike sono ku mphinjika yo, ndipo tivwanenge mwake.

Sumu 78:32

Mwaku vyose vya minthondwi yake ŵanthu ŵangurutiliya mu kulakwa mbwenu, ndi kuti ŵangugomekezga cha.

Jobu 9:16

Asani ndingumudana ndipo wangundamuka, kuti ndatinge ndivwani cha kuti wategherezganga ku mazu ghangu.

Sumu 22:16

Inya, ŵagaru ŵandizingirizga; mpingu wa ŵakuchita uheni wandikwetere; ŵarasa manja ghangu ndi marundi ghangu.

Marko 16:13

Ndipo ŵachiruta ŵenaŵa, ŵangutauliya ŵakujapo: kweni kuti ŵanguvwana cha chingana ndiwo.

Marko 16:14

Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”