Yohane 20:21 - Tonga Bible 1986

²¹ Yesu wanguŵanene so, “Chimangu chikuŵiyeni! Mo Dada wanditumiya ine, nane so ndikutumani.”

Yohane 20:21 Referans Kwoze

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

2 Timote 2:2

Ndipo vyenivyo wavwa kwangu mu ŵakaboni ŵanandi, vyenivyo sambizganga ŵanthu ŵamagomekezgeke, wo ŵaŵenge ŵakwenere kwachisambizga ŵanyake nawo.

Mateyu 10:40

“Wakuronde imwe waronde ine, ndipo wakuronde ine waronde wakundituma.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

Yohane 20:19

Viyo kwati kwaŵa mazuru, pa zuŵa liya lachimoza la sabata, penipo visasa vingujarika mo mwenga ŵasambizi, chifukwa cha kopa ŵaYuda wanguza Yesu, wanguma mukati mwawo wangunena nawo, “Chimangu chikuŵiyeni!”

Luka 24:36

Ndipo ŵachakonkhoma vyenivyo iwo, mweneko wanguma mukati mwawo ndipo waŵanene, “Chimangu kwaku imwe!”

Yohane 20:22

Ndipo wati wakamba ichi, wanguŵauziriya wanguti kwaku wo, “Rondeni Mzimu Wakupaturika.

Yohane 20:26

Ndipo pavuli pa mazuŵa ghankhonde ndi ghatatu ŵasambizi ŵake ŵenga mwenimo so, ndi Tomase pamoza nawo. Wanguza Yesu vyati vyajarika visasa vyo, ndipo wanguma mukati mwawo, wanguti, “Chimangu chikuŵiyani.”

Machitidu gha Ŵakutumika 1:2

mpaka ku zuŵa lo wangurondeke kuchanya, wati waŵalanguliya mu Mzimu Wakupaturika ŵakutumika ŵeniwo wangusankha.

3 Yohane 1:14

kweni ndigomekezga kukuwona ruŵi, ndipo tazamkambiskana chisku ku chisku.