Yohane 20:17 - Tonga Bible 1986

¹⁷ Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Yohane 20:17 Referans Kwoze

Yohane 16:28

Ndikutuwa ku Ada, ndipo ndaza mu charu: ndipo so ndireka charu ichi ndiruta ku Ada.”

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Sumu 68:18

Mungukwere ku machanya, munguto ŵamikoli ŵanandi pamoza namwe; murombe vya wanangwa kutuwa ku ŵanthu ŵakugaruka. Ambuya Chiuta wakajanga kwenikuwa.

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

2 ŴaKorinte 6:18

ndipo nkhaŵiyanga imwe Dada, ndipo imwe mwamkundiŵiya ŵana ŵanthurumi ndi ŵana ŵanthukazi, watiti Mbuya Wanthazizose.”

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Mateyu 28:7

Ndipo rutani ruŵi, ŵaneniyeni ŵasambizi ŵake, kuti, Wayuka ku ŵakufwa; ndi, onani, wakudanjiriyani ku Galile, kweniko mwamkumuwona: onani, ndakuneniyani.”

Mateyu 12:50

Chifukwa yose yo wachita khumbo la Ada ŵakuchanya mweniyo ndi mbali wangu, ndi mzichi ndi ama.”

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

ŴaHebere 8:10

Pakuti chenichi nchipanganu chenicho ndichitenge ndi nyumba yaku Yisraele pavuli pa mazuŵa yagha, atiti Ambuya: ndiŵikenge marangu ghangu mu vinjeru vyawo, ndipo pa mitima yawo ndighalembenge; ndipo ndiŵaŵiyenge Chiuta, ndipo iwo ŵandiŵiyenge khamu:

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 14:28

Munguvwa mo ndingukuneniyani, ‘Ndiruta, ndipo ndamukuza so kwaku imwe.’ Asani mungundanja, mphanyi mwakondwere, chifukwa ndiruta ku Dada; pakuti Dada ndi muraku kwaku ine.

Yohane 14:2

Mu nyumba ya Ada mwe malo ghanandi ghakujamo; asani kunguŵavi, mphanyi ndingukuneniyani; pakuti ndiruta kwachirongosole imwe malo.

Yohane 13:3

Yesu, wanguziŵa kuti Dada wapaska vyose mu manja mwake. Wanguziŵa kuti watuwa kwaku Chiuta, ndi kwaku Chiuta warutenge.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yohane 7:33

Yesu wanguti, “Nyengo yimanavi ndeche namwe pamoza, ndipo ndiruta kwaku yo Wakundituma.

Luka 10:4

Mungapinganga cha chikwama, chingana ndi katiri, chingana ndi viyatu: ndipo mungendamtauzga nanga njumoza cha mu nthowa.

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 36:28

Mukajanga mu charu cho ndingupaska auskemwe, mukaŵanga ŵanthu wangu ndipo ine ndikaŵanga Chiuta winu.

Yeremiya 32:38

Ndipo ŵakaŵanga ŵanthu ŵangu, ine ndikaŵanga Chiuta wawo.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Sumu 89:26

Wakakambanga nane, ‘Imwe ndimwe Ada ndi Chiuta wangu; ndimwe muvikiriyi wangu ndi mtaski wangu.’

2 ŴaKaronga 7:9

Sono ŵangunenerana ŵanguti, “Kuti tichita umampha cha ifwe. Zuŵa lino ndi zuŵa la makani ghamampha; asani tijenge chisisi ndi kulindizga mpaka kucha mphurupuru yidu yikatisaniyanga; ipo sono tiyeni, tikaŵanene ŵa nyumba ya karonga.”

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Sumu 22:22

Ndikonkhomenge vya zina linu ku ŵabali ŵangu; mukati mu ungano ndikurumbeninge:

2 ŴaKaronga 4:29

Iyo wanguti kwaku Gehazi, “Vwara umange mu chiunu, uto ndodo yangu mu janja lako, rutanga. Asani ukumanenge ndi munthu ungamutauzganga cha, asani watukutauzga ungazomera cha; ndipo ukalarike ndodo yangu pachisku cha mwana yo.”

ŴaHebere 11:16

Kweni sono ŵanweke chamamphako, ndicho chakuchanya: ndiviyo Chiuta walive soni nawo, kutamulika Chiuta wawo: chifukwa waŵarongosole msumba.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Marko 12:26

Kweni nge nkhu ŵakufwa, kuti ŵayuskika, asi mwaŵerenga mu buku laku Mosese, pa chivwati cho, mo Chiuta wangumnene, kuti, ‘Ndine Chiuta waku Abrahamu, ndi Chiuta waku Yisaki, ndi Chiuta waku Yakobe’?