Yohane 2:22 - Tonga Bible 1986

²² Viyo penipo wanguyuskika ku ŵakufwa ŵasambizi ŵake ŵangukumbuka kuti wangukamba chenichi; ndipo ŵanguvwana mu lembo lo, ndi mu mazu gho Yesu wangukamba.

Yohane 2:22 Referans Kwoze

Yohane 12:16

Ŵasambizi ŵake ŵengavi kuwamo ichi pa mtendeku; kweni penipo Yesu wangukankhuskika sono Wangukumbuka kuti ivi vingulembeke iyo, ndi kuti ŵangumchitiya iyo vyenivi.

Yohane 16:4

Kweni ndakukambiyani ivi, alinga kuti, penipo ora lawo laza, mukumbuke kuti ine ndingukuneniyani ndi vyenivyo. “Kweni kuti ndingukuneniyani ivi pa mtendeku cha, pakuti ndaŵanga namwe pamoza.

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Yohane 2:17

Ndipo ŵasambizi ŵake ŵangukumbuka kuti kungulembeka, “Rwana la nyumba yinu lindirghenge.”

Machitidu gha Ŵakutumika 11:16

Ndipo ndingukumbuka kakambidu ka Ambuya, po ŵangunene, ‘Yohane nadi wangubatiza ndi maji, kweni imwe mwambatizika ndi Mzimu Wakupaturika.’

Yohane 2:11

Ichi nchiyambo cha visimikizgu vyo wanguchita Yesu mu Kana wa Galile, wangurongo unkhankhu wake; ndipo ŵasambizi ŵake ŵanguvwana mwaku iyo.

Luka 24:44

Ndipo wanguti kwaku wo, “Agha ndi mazu ghangu ghenigho ndingurongoro namwe, ndenga ndeche pamoza namwe, ghakuti, nkhwakwenere vifiskike vinthu vyose vyakulembeke paku ine mu langulu laku Mosese, ndi mu ŵamchimi ndi mubuku la Sumu.”

Luka 24:26

Asi kungumwenere Kristu yo kukomwa vyenivi, ndi kuseremu mu unkhankhu wake?”

Yohane 2:2

ndipo Yesu wangudanika nayo, pamoza ndi ŵasambizi ŵake, ku nthengwa yo.

Machitidu gha Ŵakutumika 13:33

ichi Chiuta wachifiskiya kwaku ifwe taŵana ŵawo pakumyuska Yesu: mo kwalembeke mu Sumu ya chiŵi, ‘Iwe we Mwana wangu, ine le ndakupapa,’