Yohane 19:4 - Tonga Bible 1986

⁴ Ndipo wangutuwa so Pilato, wangunena nawo, “Onani, ndimutuzgiyenge kunu kubwaro kwaku imwe, alinga kuti muziŵe kuti ndirive kusaniya kafukwa kose kwaku iyo.”

Yohane 19:4 Referans Kwoze

Yohane 19:6

Viyo penipo ŵazukuru ŵara ndi ŵamirizi wo ŵangumuwona, wangukambura, ŵakuti, “Mpaike! Mpaike!” “Mtoni imwe, mpayikeni,” wangunena nawo Pilato, “Chifukwa ine ndirive kusaniya mwake chifukwa.”

Yohane 18:38

Wangumfumba Pilato, “Ngune uneneska?” Ndipo wachikamba chenichi Pilato wangutuliya so ku ŵaYuda, wanguŵanene, “Ine ndirive kusaniya kufakwa kose mwaku iyo.

Luka 23:4

Ndipo Pilato wanguti ku ŵazukuru ŵara ndi ku mizinda, “Kuti ndisaniya cha kafukwa mu munthu mwenuyu.”

Luka 23:47

Ndipo nduna yo, yichiona cho chinguŵapo, yamkankhuskanga Chiuta, yakuti, “Nadidi munthu mwenuyu wenga murunji.”

1 Yohane 3:5

Ndipo muziŵa kuti wanguwoneka Yuwa, alinga kuti watuzgepo vilakwa; ndipo mwaku iyo chilakwa mulive.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;

1 Petro 1:19

kweni ndi ndopa zakuzirwa, uli za mwanamberere wambura kalema ndi wambura banga, ndopa nazo zaku Kristu:

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Luka 23:41

Ndipo ifwe nadi nchakutenere pakuti tironde vyakwenere vyenivyo tachita: kweni uyu walive kuchita kanthu kakusovya.”

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 27:24

Ndipo Pilato, pakuwona kuti wengavi kovya kanthu, kweni ukongwa kuti chichitika chiwawa, wanguto maji, wangusamba mu manja paurongo pa mzinda wo, wakuti, “Nde wambura kalema ku ndopa za murunji uyu: kweniko mwaŵeni!”

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

Yohane 18:33

Pilato wangusere so mu mphara, ndipo wangudana Yesu, wangunena nayo, “Kumbi ndiwe Karonga wa ŵaYuda?”