Yohane 19:17 - Tonga Bible 1986

¹⁷ Ŵangumrondo Yesu; ndipo wakujipingiya mphinjika yake, wangutuliya ku malo ghakuzumbulika Ghabwaza, ghenigho mu chiHebere ghazumbulika, Golgota.

Yohane 19:17 Referans Kwoze

Luka 23:33

Ndipo penipo ŵangufika pa malo, gho ghatamulika Kalvare, po ndipo ŵangumpayika, ndi ŵakuchita uheni wo, uyu ku marghe, ndi uyu ku maze.

Luka 14:27

Yose yo wareka kunyamuwa mphinjika yake, ndi kuza kuvuli kwangu, kuti waziŵa cha kuŵa msambizi wangu.

Luka 23:26

Ndipo ŵachimgumizga, ŵanguko yumoza, Simoni waku Kurene, wakutuwa ku viŵera, ndipo ŵanguŵika pake mphinjika yo, kuyinyamuwa kuvuli kwaku Yesu.

Machitidu gha Ŵakutumika 7:58

ndipo ŵati ŵamubwefuliya kubwaro ku msumba, ŵangumpong'a mya: ndi ŵakaboni ŵanguŵika pasi maraya ghawo pa marundi gha jaha, lakuzumbulika Saulo.

Marko 15:32

Kristu yo, Karonga waku Yisraele, wasike sono ku mphinjika yo, alinga tiwone ndi tivwane.” Ndipo wo ŵangupayikika pamoza nayo nawo ŵamuweranga.

Luka 23:38

Ndipo kwenga so lembo pachanya pake, “UYU NDI KARONGA WA ŴAYUDA.”

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Marko 15:26

Ndipo lembo la kafukwa kake lingulembekapo pachanya, “KARONGA WA ŴAYUDA.”

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Mateyu 27:37

Ndipo ŵanguŵikapo pachanya pa mutu wake kafukwa kake kakulembeka, MWENUYU NDI YESU, KARONGA WA ŴAYUDA.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 10:38

Ndipo yose yo wareka kujitole mphinjika yake ndi kurondo ine, kuti ngwakwenere ine cha.

1 ŴaKaronga 21:13

Ndipo ŵanthu ŵatesi ŵaŵi wo ŵangusere ndi ŵanguja pasi pakuthyana nayo, ndipo ŵanthu ŵatesi wo ŵangutole Naboti mlando paurongo pa ŵanthu, ŵanguti, “Naboti wangutuka Chiuta ndi karonga.” Viyo ŵangumutuzga mu msumba ŵangumudina ndi mya wangufwa.

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

Chiyambo 22:6

Ndipo Abrahamu wanguto nkhuni za sembe yakocha wangupingizga Yisaki mwana wake; ndipo wangupinga moto mu janja lake ndi chimayi. Viyo ŵaŵi ŵangurongozgana.

Yohane 5:2

Kweni mu Yerusalemu pa likomo la mberere, mwe chiziŵe chakuzumbulika mu chiHebere, Betesda, chakuŵa ndi makhumbi ghankhonde.

Yohane 19:13

Viyo pakuvwa mazu yagha Pilato wangutole Yesu kubwaro, wanguja pasi pa chakweruzgiyapo, mu malo ghakuzumbulika, mphara yamya, kweni mu chiHebre, Gabata.