Yohane 19:11 - Tonga Bible 1986

¹¹ Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Yohane 19:11 Referans Kwoze

ŴaRoma 13:1

Mzimu wose uthere ku mitufu yira: chifukwa kulive mtufu kwambura kuti we pasi paku Chiuta: ndipo mitufu yo yiripo, yatemeka ndi Chiuta.

Yohane 3:27

Wangwamuka Yohane ndi wanguti, “Kuti munthu wangaronde kanthu cha, kwambura kuti kapaskika kwaku iyo kutuwa kuchanya.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.

Yohane 7:30

Viyo ŵalembanga kumko: ndikweni kwengavi yumoza wanguŵikapo pake janja, pakuti ora lake lenga lindaze.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Mateyu 6:13

Ndipo mungatitole mu kesedu kweni titaskeni ku mheni yo.

Yakobe 4:17

Viyo kwaku yo waziŵa kuchita keneko, ndipo ngwambura kukachita, kwaku mweniyo nchilakwa.

ŴaRoma 11:36

Chifukwa kutuwa kwaku iyo, ndi pa chifukwa chaku iyo, ndi kurata kwaku iyo, vye vyose. Kwaku mweniyo kuŵiyenge unkhankhu ku muyaya. Ameni.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

Mateyu 27:2

ndipo ŵati ŵamumanga, ŵanguruta nayo, ŵangumpereka kwaku Pilato, nduna yo.

Sumu 62:11

Kwakuruska kamoza ndavwa Chiuta watiti: nthazi ze kwaku Chiuta;

Marko 14:44

Kweni wakumpachiya yo wanguŵapaska chisimikizgu, wakuti, “Mweniyo ndimufyofyonthenge, ndiyo: mukoni, ndi mugumizgeni!”

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Yohane 18:3

Viyo Yuda, wakuŵa ndi liŵanja ndi ŵamirizi ŵakutuwa ku ŵazukuru ŵara ndi ŵaFarisi, ŵanguza kwenikuwa ndi ŵenge ndi malimbuni ndi vidya.

Yohane 9:41

Yesu wanguŵanene, “Ne mwenga wachiburumutiya, mphanyi mwengavi ulakwi, kweni sono pakuti mutiti, ‘Tiwona:’ ipu ulakwi winu ujaririya.

Luka 22:53

Ndenga ndeche pamoza namwe zuŵa ndi zuŵa mu kasopi yo, kuti mungutambaruliya manja pangu cha; kweni lenili ndi ora linu, ndi mtufu wa mdima.”

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Chitenje 3:37

Njani wakulangula ndipo chikuchitika, kwambura kuti Ambuya alangula?

Mateyu 26:65

Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake?

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Yohane 18:13

ndipo ŵanguruta nayo danga kwaku Anase; chifukwa wenga msibweni waku Kayafa, mweniyo wenga mzukuru mura chirimika chenichiya.

Yohane 19:10

Pilato wangunena nayo, “Kumbi utindamuka cha? Asi uziŵa kuti nde ndi mtufu kukufwatuwa, ndipo nde ndi mtufu kukupayika?”