Yohane 18:37 - Tonga Bible 1986

³⁷ Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 18:37 Referans Kwoze

Yohane 8:47

Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

Yohane 8:14

Yesu wangwamuka, wangŵanene, “Chingana ndijisimikizgiya, ndamweni, chisimisimi changu nchakuneneska; pakuti ndiziŵa ko ndikutuwa, ndi ko nditiya; imwe kuti muziŵa ko ndikutuwa, pamwenga ko nditiya cha.

1 Yohane 3:19

Mwaku chenichi tiziŵiyenge kuti te ŵamu uneneska wo, ndipo paurongo pake tikhozgiyenge mtima widu,

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

1 Timote 6:13

Ndikulanguliya pa maso ghaku Chiuta, wakupaska vyose umoyo, ndi ghaku Kristu Yesu, mweniyo wangusimikizgiya paurongo paku Pontio Pilato chizomerezgu cho cheneko,

Luka 23:3

Ndipo Pilato wangumfumba, wakuti, “Kumbi ndi we Karonga wa ŵaYuda?” Ndipo pakumwamuka watinge, “Iwe unena.”

Marko 15:2

Pilato wangumfumba, “Kumbi ndiwe Karonga wa ŵaYuda?” Ndipo wangwamuka, wangumnene, “Ukamba ndiwe.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

Mateyu 27:11

Ndipo Yesu wanguma paurongo pa nduna yo: ndipo nduna yingumfumba, yakuti, “Kumbi ndiwe karonga wa ŵaYuda?” Yesu wanguti kwaku iyo, “Iwe unena.”

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

1 Yohane 3:14

Tiziŵa ifwe kuti tatuwako ku nyifwa kuyiyamo mu umoyo, pakuti titanja ŵabali wo. Yo wareka kwanja, wajaririya mu nyifwa.

Luka 22:70

Ndipo ŵanguti wose, “Iwe viyo we Mwana waku Chiuta kumbi?” Ndipo wanguŵanene, “Imwe mutiti kuti ndine.”

Marko 14:62

Ndipo Yesu wanguti, “Ndine: ndipo mukawonanga Mwana wa munthu kuja ku janja la marghe la Nthazi, ndi kuza pa mitambo ya kuchanya.”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yohane 8:45

Kweni chifukwa ine ndikamba uneneska, kuti muvwana nane cha.

Yohane 8:46

Njani wamwaku imwe yo watindipacha ndi ulakwi? Asani ndirongoro uneneska, chifukwa chine mureka kuvwana mwangu?

1 Yohane 2:21

Ndikulembiyani kuti nchifukwa mureka kuziŵa cha uneneska wo; kweni muwuziŵa, chifukwa palivi utesi wo ngwakutuliya ku uneneska.