Yohane 18:33 - Tonga Bible 1986

³³ Pilato wangusere so mu mphara, ndipo wangudana Yesu, wangunena nayo, “Kumbi ndiwe Karonga wa ŵaYuda?”

Yohane 18:33 Referans Kwoze

Yohane 19:12

Kutuwa penipa Pilato wangukhumba kumufwatuwa: kweni ŵaYuda ŵakamburanga, ŵakuti, “Asani ungamufwatuwa uyu, kuti ndiwe bwezi laku Kaisare cha: yose wakujisanduska karonga, wamikana ndi Kaisare.”

Yohane 19:3

Ndipo wamziyanga, wakuti, “Mauleni, Karonga mwe wa ŵaYuda!” Ndipo ŵampamanthanga.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 12:13

ŵanguto mphanda za ŵakanchindu, ŵangutuwa kwachikumana nayo, ndipo Wakamburanga, “Hosana! Ngwakutumbikika yo watuza mu zina la Mbuya, Karonga waku Yisraele!”

Marko 15:2

Pilato wangumfumba, “Kumbi ndiwe Karonga wa ŵaYuda?” Ndipo wangwamuka, wangumnene, “Ukamba ndiwe.”

Mateyu 27:11

Ndipo Yesu wanguma paurongo pa nduna yo: ndipo nduna yingumfumba, yakuti, “Kumbi ndiwe karonga wa ŵaYuda?” Yesu wanguti kwaku iyo, “Iwe unena.”

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

1 Timote 6:13

Ndikulanguliya pa maso ghaku Chiuta, wakupaska vyose umoyo, ndi ghaku Kristu Yesu, mweniyo wangusimikizgiya paurongo paku Pontio Pilato chizomerezgu cho cheneko,

Yohane 19:9

ndipo wangusere so mu mphara, wanena ndi Yesu, “Iwe we wa nunkhu?” Kweni Yesu kuti wangumwamuka kanthu cha.

Yohane 12:15

“Mungopanga cha, mwa ŵanthu ŵaku Zioni: awona, Karonga wako watuza, wakugara pa mwana wa mbunda.”

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Mateyu 27:27

Ndipo ŵankhondo ŵa nduna, ŵati ŵamtole Yesu ku mphara ŵanguwunganiska liŵanja lose.

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Yohane 18:34

Yesu wangwamuka “Kumbi utijikambiya wija ichi, pamwenga ŵanyake ndiwo ŵangukukambiya vyapaku ine?”

Yohane 18:38

Wangumfumba Pilato, “Ngune uneneska?” Ndipo wachikamba chenichi Pilato wangutuliya so ku ŵaYuda, wanguŵanene, “Ine ndirive kusaniya kufakwa kose mwaku iyo.

Yohane 19:4

Ndipo wangutuwa so Pilato, wangunena nawo, “Onani, ndimutuzgiyenge kunu kubwaro kwaku imwe, alinga kuti muziŵe kuti ndirive kusaniya kafukwa kose kwaku iyo.”